Ўзбекистон республикаси олий ва ўрта махсус таълим вазирлиги наманган муҳандислик – технология институти

3.Мустақил ишини расмийлаштириш тартиби
Талабалар мустақил ишларни расмийлаштиришда фаннинг хусусияти келиб чиққан ҳолда амалга оширилади. Масалан, баъзи бир фанлардан курс иши (лойиҳаси)ни ва ҳисоб-график ишларини бажариш, макетлар, моделлар ва намуналар яратиш учун кафедра профессор-ўқитувчилари томонидан ишлаб чиқилган услубий кўрсатмаларда белгиланган ҳажмда, фанлардан берилган мавзу бўйича рефератлар тайёрлаш эса компьютерларда камида 10-15 саҳифали ҳажмда, илмий мақола, анжуманларга маъруза тезисларини тайёрлаш белгиланган ҳажмда расмийлаштирилади.
4.Мустақил ишининг ахборот таъминоти
Талаба учун муайян фан бўйича мустақил иш топшириқлари тегишли кафедра профессор-ўқитувчилари (ёки етакчи доцентлари) томонидан ўқув машғулотларини олиб борувчи профессор-ўқитувчилар иштирокида тузилади ва кафедра мудири томонидан тасдиқланади. Талабаларга берилган топшириқларда мустақил ишни бажариш бўйича кўрсатма ва тавсиялар бериш лозим бўлади.
Мустақил ишларни бажариш учун талабаларга ахборот манбааси бўлиб дарслик ва ўқув қўлланмалар, услубий қўлланмалар ва кўрсатмалар, маълумотлар тўплами ва банки , илмий ва оммавий даврий нашрлар, Интернет тармоғидаги соҳа бўйича маълумотлар, меъёрий ҳужжатлар ва бошқалар хизмат қилади.
Кафедра мудири ва факультет деканлари тақдимномаси асосида институт раҳбарияти талабаларга мустақил ишларни бажариш учун зарурий ахборот манбаа ва воситаларини белгилайди ва лозим бўлганда талабаларга турли кутубхоналар, музейлар, тармоқ муассасалари ва корхоналарида мустақил иш учун зарурий маълумотлар тўплаш юзхасидан сўровнома хатлари расмийлаштиради.
Институт раҳбаряти томонидан талабаларга мустақил ишларни ўз вақтида бажариш учун компьютер техникаси ва Интернет тармоғидан самарали фойдаланиш учун шарт-шароит яратиб берилади, талабаларнинг мавжуд замонавий компьютер техникаси билан ишлашлари учун аниқ жадваллар ишлаб чиқилади ва назорат қилинади.
5.Мустақил ишни бажариш муддатлари ва топшириқлари
5310900-Метрология, стандартлаштириш ва маҳсулот сифати менежменти (пахта, тўқимачилик ва енгил саноат) таълим йўналишидаги бакалаврлар учун фанлардан мустақил ишларни бажариш бўйича кўрсатмада фанлар бўйича мустақил иш мавзуларини топшириш муддатлари келтирилган бўлиб, жорий баҳолаш ва оралиқ назорат олувчи профессор-ўқитувчилар томонидан қабул қилиб олинади.