Ўзбекистон республикаси олий ва ўрта махсус таълим вазирлиги наманган муҳандислик-қурилиш институти

Қурилманинг техник тавсифи
1. Ток кучланиши, В/Гц – 220/50
2. Фаоллаштирилган сув ҳажми: - анолит – 0,3 л, католит – 0,5 л
3. Ишлаш қуввати, Вт – 110 гача
4. Сувни фаоллаштириш вақти, минут – 7-10
4. Оғирлиги (сувсиз) грамм – 500
Қурилма +5 дан +40°C ҳароратда ва 80%дан ортиқ бўлмаган намликда ишлашга мўлжалланган. 3.1-расмда кўрсатилганидек қурилма 4 қисмдан иборат бўлиб, улар асосий идиш, электр токини меёрлаштиргич, диафрагмали стакан ва электродлар ўрнатилган қопқоқдан иборат. Қурилманинг катод қисми зангламайдиган пўлатдан, анод эса рутений оксиди билан қопланган титандан ясалган.


3.1.-расм. Мелеста қурилмаси

3.2-расм. Сувни электрокимёвий фаоллаштириш жараёни

3.2-§ Сувни электрокимёвий фаоллаштириш механизми
Электрокимёвий фаоллаштириш қурилмаси диафрагма билан икки қисмга ажратилиб, ўзгармас электр токи берилганда сувдаги мусбат зарядланган катионлар катодга қараб, манфий зарядланган анионлар анодга қараб ҳаракатланади. Ўз навбатида катодда - оксидланиш, анодда - қайтарилиш жараёнлари содир бўлади.

1. 
   Сув кучсиз электролит оз миқдорда бўлса ҳам водород китиони ва гидроксил анионларига диссоциланган ҳолатда бўлади. Шунингдек, водопровод сувида учрайдиган CaСl_2, NaСl, Na₂SO₄ сингари тузлар ҳам катион ва анионларга диссоцияланган бўлади. Шу нуқти назардан электрод электр занжирига уланганда катионлар манфий электродга, анионлар мусбат электрод томон ҳаракатланади. Анодда бир қисм хлор ва гидроксил ионлари ОН^- ўз электронларини бериб оксидланади. Қолган хлор ионлари сувдаги водород катион - Н⁺ ларини бириктириб, кислотали муҳит ҳосил қилади. Натижада катод атрофида Ca²⁺ ва Mg²⁺ ионлари қолади ва улар ўзига гидроксил анионларини бириктириб, ишқорий муҳит ҳосил қилади. Шунинг учун сувнинг манфий электрод (катод)га яқин қисми – ишқорий, мусбат электрод (анод)га яқин қисми эса - кислотали муҳит бўлиб қолади. Ишқорий муҳит асосан Ca(OH)₂ ҳисобига, кислотали муҳит эса HCl ҳисобига ҳосил бўлади. Сувни электрокимиёвий фаоллаштириш механизмини қуйидаги схема асосида амалга оширилади [126; 86–88-б.,162; 1101–1104-б.] (3.3-расм).