Ўзбекистон республикаси олий ва ўрта махсус таълим вазирлиги наманган мухандислик-технология институти

Ҳалқаро (СИ) бирликлар тизими

Тартиб №	Катталиклар	Ўлчов бирлиги	Қисқартирилган белгилари		Ҳосила бирликлар ўлчови
			ўзбекча	ҳалқаро
Асосий бирликлар
1	Узунлик	метр	м	m	-
2	Масса	килограмм	кг	kg	-
3	Вақт	секунд	С	S	-
4	Ток кучи	ампер	А	А	-
5	Термодинамик	Кельвин градуси	К	К	-
6	Ёруғлик кучи	кандела	кд	cd	-
7	Модда миқдори	моль	моль	mol	-
Қўшимча бирликлар
1	Ясси бурчак	радиан	рад	rad	-
2	Фазовий бурчак	стерадиан	ср	sr	-
Ҳосила бирликлар
1	Юза	метр квадрат	м^2	m^2	i (м)^2
2	Ҳажм	метр куб	м^3	m^3	I (м)^3
3	Частота	Герц	Гц	Hz	I:(c)
4	Зичлик	Килограмм тақсим метр куб	кг/м^3	kg/ m^3	(1кг):(1м^3)
5	Тезлик	метр тақсим секунд	м/с	m/s	(1м):(1с)
6	Бурчак тезлик	радиан тақсим секунд	рад/с	rad/s	(1рад):(1с)
7	Тезланиш	метр тақсим секунд квадрат	м/с^2	m/s^2	(1м):(1с)^2
8	Бурчак тезланиш	радиан тақсим секунд квадрат	рад/с^2	rad/s^2	(1рад):(1с)^2
9	Куч	Ньютон	Н	N	(1кг):(1м): (1с)^2
10	Босим	ньютон тақсим метр квадрат	Н/м^2	N/m^2	(1Н):(1м)^2
11	Динамик қовушоқлик	Ньютон кўпайтирилган секунд тақсим метр	Н·с/м^2	N·S/m^2	(1Н)·(1с): (1м)^2
12	Кинематик қовушоқлик	метр квад. тақсим секунд	м^2/с	m^2/s	(1м)^2:(1с)
13	Иш, энергия, иссиқлик миқдори	жоуль	Ж	J	(1Ж):(1с)
14	Қувват	ватт	Вт	W	(1Ж): (1с)
15	Электр миқдори	кулон	Кл	G	(1A):(1c)
16	Электр кучланиш, жлектр потенциаллар айирмаси, электр юритувчи куч	волть	В	V	(1Bт):(1A)
17	Электр майдони нучланганлиги	волть тақсим метр	В/м	V/m	(1В):(1м)
18	Электр қаршилик	Ом	Ом	Ω	(1Вт):(1А)
Тартиб №	Катталиклар	Ўлчов бирлиги	Қисқартирилган белгилари		Ҳосила бирликлар ўлчови
			ўзбекча	ҳалқаро
19	Электр сиғим	Фарада	Ф	F	(1К):(1В)
20	Магнит индукцияси оқими	Вебер	ВБ	Wb	(1к):(1Ом)
21	Индуктивлик	генри	Гн	Н	(1Вб):(1А)
22	Магнит индукцияси	тесла	тл	Т	(1Вб):(1м)^2
23	Магнит майдони кучланганлиги	ампер тақсим метр	А/М	А/m	(1А):(1м)
24	Магнит юритувчи куч	Ампер	А	А	(1А)
25	Ёруғлик оқими	Люмен	Лм	Lm	(1қд):(1ср)
26	Равшанлик	кандела тақсим метр квадрат ёки нит люкс	кд/м^2	cd/m^2	(1кА):(1м)^2
27	Ёритилиш даражаси	Люкс	ЛК	Lk	(1лм):(1м)^2

Шундай сохалар борки, унда СИ бирликларини ишлатиш ҳисоблашларда бир оз қийинчиликлар туғдиради. Масалан, СИ га биноан массани доимо килограммларда ўлчаш ноқулай. У гоҳ грамм (г) ларда ифодаланса, гох тонна (т) ларда ўлчанади. Шу сабабли массани грамм (г), миллиграмм (мг), тонна (т) каби бирликларда ифодалаш қулай. Улар асосида масса ҳисобини шу бирликларда олиб бориш хато ҳисобланмайди.

Шунинг учун, баъзи ҳисоблашларда қулайлик яратиш мақсадида бирликларнинг ўнлик каррали ва улушли қийматларидан фойдаланилади.
Бирликларнинг унлик каррали ва улушли қийматлари барча бирликлардан эмас, балки амалий ҳисобларда қулайлик яратадиган бирликлардангина ҳосил қилинади. Шундай соҳалар ҳам борки, уларда доимо каррали ёки улушли бирликлардангина ишлатилади (масалан, чизмачиликда уларнинг ўлчамлари фақат миллиметр — мм да ифодаланади).
2-жадвал.
Бирликларнинг каррали ва улушли қийматлар

№№	Катталик номи	Белгилари
		СИ бирликлари	СИ нинг каррали ва улушли бирликлари	СИ га кирмаган бирликлар
1	Узунлик	м (метр)	км; см; мм; мкм; нм.
2	Юза	м^2 (метр квадрат)	км^2; дм^2; см^2 мм^2
3	Ҳажм ва сиғим	м^3 (метр куб)	дм^3; см^3; мм^3	л (литр)
4	Ясси бурчак	рад (радиан)	мрад; мкрад	...^0, (градус) ...′ (минут) …˝(секунд)
5	Вақт	с (секунд)	кс; мс; мкс;	Сут (сутка) Соат (соат, мин)
6	Тезлик	м/с	-	км/соат
7	Айланишлар такрорлиги	с^-1	-	мин^-1
8	Масса	кг (килограмм)	Мг; г; мг; мкг	т (тонна)
9	Куч, оғирлик	Н (ньютон)	МН; кН; мкН
10	Куч моменти	Н·м	МН·м; кН·м; мкН·м
11	Босим	Па (паскаль)	ГПа; МПа; кПа; мкПа
12	Динамик қовушоқлик	Па·с	мПа·с
13	Кинетик қовушқоқлик	м^2/с	мм^2/с
14	Энергия, иш	Ж (жоуль)	ТЖ; ГЖ; МЖ; кЖ; мЖ	ЭВ (электрон волть)
15	Қувват	Вт (ватт)	ГВт; МВт; кВт; мкВТ
16	Ҳарорат	К (кельвин)	МК; кК; мкК
17	Электр токи (электр токининг кучи)	А (ампер)	кА; МА; мкА; нА; пА
18	Электр миқдори, эдектр заряд	Кл (Кулон)	мКл; мкКл; нКл; пКл
19	Модда миқдори	моль	кмоль; ммоль; мкмоль
20	Моляр масса	кг/моль	г/моль

1 ва 2- жадвалларда фан, техника ва халқ хўжалигининг турли соҳаларида кенг қўлланиладиган бирликларнинг ўнлик каррали ва улушли қийматлари келтирилган.

Мамлакатимизда ўлчовларнинг муштараклиги Ўзбекистан Республикаси Вазирлар Махкамасининг стандартлар давлат қўмитаси ва метрологик муассасалари томонидан амалга оширилади.

3. Реохорд (калибрланганқаршилик)

Реохорд калибрланган қаршиликка, яъни унинг хар бир узунлигининг тенг тармоғи бир хил қаршиликка эга бўлгани учун

(2,40)
Шундай қилиб, E(t,t₀) терможуфтнинг ТЭЮК реохорд каршилиги R_BC тармоғидаги кучланиш тушуви миқдори билан аниқланиб, қолган қаршиликларга боғлиқ эмас. R_BC реохорд шкала билан таъминланиши ва шкала бўлинмалари милливольт ёки ҳарорат бирликларига тенг бўлиши мумкин. ТЭЮК ни ўлчаш аниқлиги реохорд занжиридаги I ток кучининг ўзгармаслигига боғлик. Ток компенсацион усул билан берилади ва назорат қилинади. Бунинг учун потенциометр схемасига нормал элементли қўшимча контур киритилади. Одатда, нормал элемент (НЭ) вазифасини симоб-кадмийли гальваник Вестон элементи бажаради. Бу элементнинг электр юритувчи кучи20°Сда 1.0183В га тенг. НЭ алмашлаб улагич П орқали қаршилик R_НЭ учларига уланади ва унинг ЭЮКи ёрдамчи ток манбаи Е нинг ЭЮКи томон йўналган бўлади. Қаршилик R ёрдамида компенсацион занжирдаги ток кучини ростлаш билан НИ нинг стрелкаси нолни кўрсатишига эришилади. Бундай ҳолда компенсацион занжирдаги ток кучи қуйидагича ифодаланади
(2.41)
Терможуфтнинг ТЭЮК ни ўлчашда П алмашлаб улагич И вазиятдан Ў вазиятга ўтказилади. Реохорд R_Р нинг Д сирпанғичини силжитиб b ва с нукталар орасидаги потенциаллар айирмасини терможуфт ТЭЮК ига тенглаштирилади. Шу пайтда терможуфт занжиридаги ток кучи 0 га тенг, шунинг учун,
(2.42)
Е_НЭ ва Rнэ ларнинг қиймати ўзгармас бўлгани учун ТЭЮК ни аниқлаш қаршилик тармоғининг узунлигини аниқлаш билан баравардир.
ЭЮК ни компенсацион усул бўйича ўзгарувчан ток шароитида ҳам ўлчаш мумкин. Аммо бу ҳолда ўлчаш аниқлиги бирмунча пастроқ, ўзгарувчан токда ишлайдиган асбоблар эса бирмунча мураккаброқдир. Кўчма потенциометрлар цех ва лаборатория шароитларида текширув ва даражалаш ишларида ЭЮК ни компенсацион усул бўйича ўлчаш учун қўлланилади; намуна потенциаметрлар аниқ ўлчашларда ишлатилади. Бу асбобларнинг ўлчаш схемалари юқорида кўрилган схемага ўхшаш, фақат фарқи шундаки, ўлчов реохорди намуна қаршиликлардан ташкил топган секциялар шаклида тайёрланади.

4. Технологик жараёнларни назорат қилиш

Кейинги йилларда саноат асбоблари ва автоматлаштириш воситаларининг Давлат тизими яратилган бўлиб, у блок модул принципи бўйича тузилади ҳамда пневматик, гидравлик, электрик (токли, кучланишли, частотали ва импульсли) кириш ва чиқиш сигналларига эга бўлган асбобларни бирлаштирувчи тармоқларга бўлинади. Улар учун бир хиллаштирилган қийматлар белгиланган бўлиб, технологик жараёнларни назорат қилиш, созлаш ва бошқаришнинг турли-туман тизимларининг техник воситалар билан таъминлаш муаммоларини энг қулай усул билан ҳал этиш имконини беради.

Блокли принципдан фойдаланиш асбобларнинг қўлланиш чегарасини кенгайтириш имконини беради ва уларни текширилган қисмларнинг минимал сондагисини алмаштиришда энг кўп сондаги параметрларни ўлчашга яроқли ҳолга келтирилади.
Ишлатишда фақат бир турдаги энергиядан фойдаланадиган қурилмалар ўлчаш асбобларининг ягона тузилишдаги тармоғини ташкил этади.
Пневматик тармоқдаги асбоблар осон ёнадиган ва портлайдиган муҳитларда бехавотир қўлланиши: оғир шароитли ишларда, айниқса агрессив муҳитда ишончлилиги юқорилиги билан характерланади. Уларни осонгина бирини иккинчиси билан алмаштириш мумкин. Аммо пневматик асбоблар технологик жараёнлар катта тезликни талаб этганда ёки сигналларни узоқ масофага узатишда электр асбоблардан қолиб келади.
Гидравлик ўлчаш асбоблари катта зўриқишларда ижрочи механизмларнинг аниқ силжишини аниқлашга имкон беради. Амалда автоматик тизимларда уларнинг тармоқларини турли комбинацияларда ёки алоҳида қурилмаларини биргаликда қўллаш анча самаралидир.
Электр асбоб тармоқларидан ташкил этилган автоматлаштирилган бошқариш тизимлари қуйидаги афзалликларга эга. Электр тизимга юқори сезгирлик ва аниқлик, тезкорлик, узок масофалар билан алоқа боғлашга имкон беради, асбобларнинг схема ва тузилиши жиҳатидан юқори бир хиллаштиришни таъминлайди. Ярим ўтказгич техникадан интеграл схемаларни қўллашга ўтиш асбобларнинг ўлчамларини ва оғирлигини камайтиришга олиб келиш билан бирга уларнинг мустаҳкамлигини оширишга ва функционал имкониятларини кенгайтиришга имкон туғдиради. Бошқаришнинг замонавий автоматлаштирилган тизимларида электроникани қўллаш айниқса назорат ўлчов асбоблари гуруҳида муҳим аҳамият касб этади, чунки уларнинг бошқариладиган электрон ҳисоблаш машиналари билан бевосита алоқасини таъминлаш имконини беради.
Саноат асбоблари ва қурилмалари орасида ахборот боғланишни таъминлаш учун бир хиллаштирилган сигналлар (УС) ишлатилади. УС нинг бир хиллаштирилган параметри дейилганда унинг ахборот элтувчи параметри, яъни ўзгармас ёки ўзгарувчи ток кучи, кучланиш, частота, код, пневматик сигнал-ҳавонинг босими тушунилади.
Бир хиллаштирилган параметрларнинг турига қараб УС ларнинг тўрт гуруҳи мавжуд:

1. 
   Электрик узлуксиз ток ва кучланиш сигналлари;
   
2. 
   Электрик узлуксиз частотали сигналлар;
   
3. 
   Электрик кодланган сигналлар;
   
4. 
   Пневматик сигналлар.
   

Электрик узлуксиз ток ва кучланиш сигналларидан турли узлуксиз ўзгарувчи физик катталикларнинг сон қийматларини тасвирлаш учун фойдаланилади. Ахборот параметр турига қараб УС нинг шу гуруҳи ўзгармас токнинг ток сигнали, ўзгармас токнинг кучланиш ёки ўзгарувчи токнинг кучланиш сигналидан иборат бўлиши мумкин.
Ўзгармас ток кириш ва чиқиш сигналларининг ўзгариш чегаралари қуйидагича:
0 — 5мА; -5 — 0 ― +5мА; 0 — 20 мА; - 20 — 0 — + 20мА; -100 — 0 — + 100 мА.
Ўзгармас ток кучланиши кириш ва чиқиш сигналларининг ўзгариш чегаралари қуйидагича:
0- 10мВ;-10 — 0―+ 10мВ; 0 — 20мВ; - 20 — 0— +20мВ; 0 — 50мВ; 0— 100 мВ; 0 — 1 В; - 1 — 0―+ 1В; 0— 10В; - 10 — 0 ― + 10В.
Ўзгарувчан ток (50 ёки 400 Гц частотали) кучланиш сигналларининг номинал ўзгариш чегаралари:
0 — 0,25 В; 0,25 — 0 —25 В; 1 — 0 — 1 В; 0 — 2 В.
Электрик узлуксиз частотали сигналлар физик катталик ҳақидаги ахборотни элтувчи сигналнинг бир хиллаштирилган параметри сифатида ўзгарувчи ток частотасидан ёки импульслар частотасидан фойдаланилади.
Турғун режимда частотали чиқиш сигналларининг номинал қийматлари қуйидаги катталикларга эга бўлиши мумкин: 0,6; 1,2; 3; 4; 6; 8; 12; 24; 48; 60; 110 ёки 220 В.
Узлуксиз частотали кириш сигналли ўлчов асбоблари амплитудаси қуйидаги чегараларнинг бирида бўлган сигналларни қабул қилишга мўлжалланган: 2,5 — 10; 10— 40; 40 — 160; 160 - 600 мВ 0,6-2,4; 2,4—12 В; 12—36 В; 36—120 В.
Электрик кодланган сигналлардан турли хил электрон ҳисоблаш ва бошқариш машиналарида, рақамли автоматика ва телемеханиканинг рақамли қурилмаларида фойдаланилади. Функционал асбоб ва тизимларда катталиклар қиймати саккизта каррали иккилик хоналарда (байтларда) тасвирланади.
Пневматик сигналлар шу гуруҳ УС дан ўзгарткичлар, иккиламчи асбоблар, функционал ва тўғриловчи блоклар ҳамда ижрочи қурилмалар орасида ахборот узатишда фойдаланилади.
Пневматик чиқиш сигналлари ўзгаришининг иш чегарасини таъминлаш босимининг номинал қиймати 140 кПа бўлганда 20 - 100 кПа чегарасида бўлади.
Меъёрлаштирувчи оралиқ ўзгарткич табиий чиқиш сигналини бир хиллаштирилган сигналга ўзгартиради. Оралиқ ўзгарткичлар алоҳида мустақил қурилмалардан иборат. Уларнинг ишлаш принципи мазкур дарсликнинг II бобидаги 2.4 ва 2.5-§ ларида келтирилган.
Асбобсозлик тизимида ўзаро алмашинувчан пневматик ва электр ўзгарткичларнинг блок туридаги ўзгарткичлари ишлаб чиқилган. Бундай турдаги ўзгарткичлар катта сондаги турли ўлчанаётган параметрларни нисбатан соддалик ва етарли аниқлик билан битта чиқариш катталигига — кучга ўзгартиради.
Бир хиллаштирилган ўзгартичларнинг аниқлик синфи 0,6; 1,0 ва фақат баъзилари учунгина 1,6; 2,5.


5. Марказлаштирилган бошқариш тизими

Замонавий ўзгарткичлар ва асбобларнинг муҳим хусусияти уларнинг чиқариш сигналларининг бир хиллаштиришдир. Бу ўлчов воситалари ўзаро алмашинувчанликни, марказлаштирилган назорат қилишни таминлайди ва иккиламчи асбоблар турларини қисқартишга имкон беради.

Ўзгармас токнинг бир хиллаштирилган чиқариш сигналига эга бўлган ўзгарткичлар энг истиқболлидир. Шу билан бирга ўзгармас ток кучланишининг чиқиш сигналига, частотали электр чиқиш сигналига эга бўлган ўзгарткичлар ҳам қўлланилади. Ўзгарувчи токнинг чиқиш сигналига эга бўлган ўзгарткичлар кенг қўлланмоšда. Бундай сигнал ё ўзаро индукциянинг ўзгариши кўринишида ёки ўзгарувчан ток кучланишининг ўзгариши кўринишида намоён бўлади. Кимё саноатида бир хиллаштирилган пневматик чиқиш сигналига эга бўлган ўзгарткичлар қўлланилади.
Кейинги йилларда саноат асбоблари ва автоматлаштириш воситаларининг Давлат тизими яратилган бўлиб, у блок модул принципи бўйича тузилади ҳамда пневматик, гидравлик, электрик (токли, кучланишли, частотали ва импульсли) кириш ва чиқиш сигналларига эга бўлган асбобларни бирлаштирувчи тармоқларга бўлинади. Улар учун бир хиллаштирилган қийматлар белгиланган бўлиб, технологик жараёнларни назорат қилиш, созлаш ва бошқаришнинг турли-туман тизимларининг техник воситалар билан таъминлаш муаммоларини энг қулай усул билан ҳал этиш имконини беради.
Блокли принципдан фойдаланиш асбобларнинг қўлланиш чегарасини кенгайтириш имконини беради ва уларни текширилган қисмларнинг минимал сондагисини алмаштиришда энг кўп сондаги параметрларни ўлчашга яроқли ҳолга келтирилади.
Ишлатишда фақат бир турдаги энергиядан фойдаланадиган қурилмалар ўлчаш асбобларининг ягона тузилишдаги тармоғини ташкил этади.
Пневматик тармоқдаги асбоблар осон ёнадиган ва портлайдиган муҳитларда бехавотир қўлланиши: оғир шароитли ишларда, айниқса агрессив муҳитда ишончлилиги юқорилиги билан характерланади. Уларни осонгина бирини иккинчиси билан алмаштириш мумкин. Аммо пневматик асбоблар технологик жараёнлар катта тезликни талаб этганда ёки сигналларни узоқ масофага узатишда электр асбоблардан қолиб келади.