Ўзбекистон республикаси Олий ва ўрта махсус таълим вазирлиги Мирзо Улуғбек номидаги Самарқанд Давлат архитектура-қурилиш институти «Қурилиш материаллари, буюмлари ва конструкцияларини ишлаб чиқариш»

Каустик доломит тоғ жинси - доломитни 600-700⁰Сда пишириб олинади. Бу боғловчи асосан MgO ва СаСО₃ дан иборат.
Доломит асосан MgСО₃·СаСО₃ бирикмасидан ташкил бўлиб унинг таркибида тахминан 20% MgO, 30% СаО ва 40% СО₂лар мавжуд, ҳақиқий зичлиги 2,85-2,95 г/см³.
Доломитдан пишириш ҳароратига қараб каустик доломит, доломит цементи ва доломит оҳаки олинади. Каустик доломит MgO ва СаСО₃дан иборат бўлиб доломитни 650-750⁰Сда пишириб олинади, доломитли цемент MgO, СаО ва СаСО₃дан иборат бўлиб 750-850⁰Сда олинади, доломит оҳаки эса MgO ва СаОдан иборат бўлиб 900-950⁰Сда олинади. Агар доломит 1400-1500⁰Сда пиширилса ўтга чидамли ашё олиниб, у сув билан реакцияга кирмайди.
Доломитли цементнинг мустаҳкамлик чегараси боғловчи ва қум- Б:Қ=1:3 таркибидаги зичлаштирилган ва 28 кун қотган сунъий тошда синалади ва 25÷50 маркаларга эга.
Каустик доломит ишлаб чиқариш каустик магнезит ишлаб чиқаришдан фарқ қилмайди. Пишириш шахта типидаги ёки айланма хумдонларда 650÷750⁰Сда бажарилади. Майин туйишдан кейин №02 элакдаги қолдиқ 5%дан, №008 элакда эса 25% дан ошмаслиги керак.
Каустик доломит ҳам хлорли ёки олтингугуртли магний тузлари эритмалари билан аралаштирилади. Эритмаларнинг зичлиги каустик магнезитникидай. Қотиш тизими ҳам худди магнезитникидай. Каустик доломитнинг ҳақиқий зичлиги 2,78-2,85 г/см³, уйма зичлиги 1050-1100 кг/м³. Қотиш бошланиши 3-10, охири эса 8-20 соат.
Каустик доломитнинг мустаҳкамлиги магнезитга нисбатан паст ва Б:Қ=1:3 нисбатда зичлаштириб тайёрланган намунанинг 28 кундан кейинги мустаҳкамлиги 10-30 МПа ни ташкил қила-ди.
Бундай боғловчиларга сув таъсир қилса таркибидан хлор (МgCl₂) ёки олтингугурт (MgSO₄) тузлари эриб ювилади.
Каустик доломит ксилолит, фибролит ва бошқа иссиқ сақлагич ашёлар тайёрлашда ишлатилади.