Ўзбекистон республикаси олий ва ўрта махсус таълим вазирлиги мирзо улуғбек номидаги ўзбекистон миллий университети иқтисодиёт факультети “макроиқтисодиёт” кафедраси

Ижтимоий сиёсат фанининг предмети ва ривожланиш босқичлари

Ижтимоий сиёсат фанининг предмети – ижтимоий гуруҳларни жамиятда тутган ўрни борасидаги ўзаро ҳаракатлари жараёнида вужудга келадиган ижтимоий амалиёт шакллари қонуниятларини ўрганишдан иборат.
Ижтимоий сиёсат – давлат, жамоат ташкилотлари ва хайрия фондларининг аҳоли эҳтиёжларини қондиришга қаратилган ва ижтимоий соҳа орқали амалга ошириладиган фаолиятидир.

Ижтимоий сиёсат фанининг предмети ва ривожланиш босқичлари

Ижтимоий сиёсатнинг тор маънодаги таърифи давлатнинг маълум сабабга кўра ижтимоий жиҳатдан ночор бўлган ва ўзининг моддий ҳолатини ўз кучлари орқали яхшилай олмайдиган аҳоли гуруҳлари ёки қатламларини (пенсионер, етим болалар, талабалар, меҳнат ногиронлари ҳамда кам иш ҳақи олувчи ишловчилар категориялари)ни қўллаб-қувватлашга қаратилган чора-тадбирлар тизимидан иборат.
Ижтимоий сиёсатнинг кенг маънодаги таърифи жамиятнинг барча аъзоларининг ижтимоий ривожланиши учун нормал яшаш ва қулай имкониятлар яратишга қаратилган давлат чора-тадбирлари йиғиндисидир.
Умуман, ижтимоий сиёсат давлатнинг ижтимоий ривожланиш, аҳолини ижтимоий қўллаб-қувватлаш ва ижтимоий ҳимоя қилиш соҳасида мувофиқлаштирилган сиёсий, иқтисодий, ташкилий ва ҳуқуқий чора-тадбирлари тизимидан иборат.

Ижтимоий сиёсат фанининг предмети ва ривожланиш босқичлари

Ижтимоий сиёсатнинг мақсади кишилар ижтимоий эҳтиёжлари ва манфаатларини қондириш, айрим фуқаролар ва ижтимоий гуруҳларни қўллаб-қувватлаш, ҳимоялаш, тўғри йўналтириш ва меҳнат қобилиятини қайта тиклаш учун шарт-шароитлар яратишдан иборат.
Бунга самарали меъёрий-қадриятлар тизимини яратиш; фуқароларга ижтимоий меъёрларни амалда таъсир эттириш, уларнинг хулқ-атворини ижтимоий тартибга солиш воситаси сифатида юқори даражага кўтариш, ижтимоий шаклланаётган эҳтиёжлар, манфаатлар билан уларни қаноатлантириш имкониятлари – аниқлиги, объективлиги, меъёрий кўрсатмаларга зид бўлмаслиги ва шу кабилар ўртасидаги ўхшашлик тушунилади.