Ўзбекистон Республикаси Олий ва ўрта махсус таълим вазирлиги Мирзо Улуғбек номидаги Ўзбекистон Миллий Университети

Ноаллел генлар ўзаро таъсирининг полимерия типи.
Организмларда морфологик-сифат белгилардан ташқари яна шундай белгилар ҳам борки, масалан, ўсимликларнинг бўйи, пахта толасининг чиқиши, пахта толасининг узунлиги, ҳайвонларнинг тирик вазни, қорамоллардан соғиб олинадиган сутнинг миқдори ва унинг ёғлилиги каби белгиларни аниқ фенотипик синфларга ажратиб бўлмайди, уларни тортиш, ўлчаш, санаш, яъни миқдор жиҳатдан баҳолаш керак бўлади. Бундай белгилар одатда миқдор белгилар деб юритилади. Миқдор белгилар қандай ирсийланади?
Миқдор белгиларнинг ирсийланишини назорат қилувчи генлар полимер генлар деб аталади, чунки улар ривожланаётган битта белгига бир хил эффектда таъсир кўрсатади. Улар бош ҳарфлар билан белгиланиб, ҳар бир ген аллеллари индекслар билан белгиланади. Масалан, битта белгининг назорат қилинишида 3 та аллел бўлмаган генлар иштирок этаётган бўлса, уларни қуйидагича белгилаймиз: А₁, А₂, А₃. Нафақат миқдор белгилар, балки морфологик - сифат белгилар ҳам полимер типда ирсийланиши мумкин.
142*-масала. Буғдой ўсимлигида доннинг рангли бўлиши икки жуфт аллел бўлмаган доминант генларга боғлиқ. Доннинг тўқ қизил ранги А₁А₁А₂А₂ генотипга, қизил бўлиши А₁А₁А₂а₂ ва А₁а₁А₂А₂ генотипларга, оч қизил бўлиши А₁А₁а₂а₂, а₁а₁А₂А₂, А₁а₁А₂а₂ генотипларга, жуда оч қизил бўлиши А₁а₁а₂а₂, а₁а₁А₂а₂ генотипларга ва оқ бўлиши а₁а₁а₂а₂ генотипга боғлиқ. Қуйидаги генотипга эга бўлган буғдой ўсимликларини чатиштирилганда кейинги авлодда олинадиган ўсимликларнинг генотипини ва фенотипини ҳамда уларнинг нисбатини аниқланг:
1) А₁а₁А₂А₂ х а₁а₁а₂а₂; 2) А₁а₁а₂а₂ х а₁а₁А₂а₂; 3) А₁а₁А₂а₂ х А₁а₁А₂а₂.

Масаланинг ечилиши:

1) P ♀ A₁а₁А₂А₂ X ♂ а₁а₁а₂а₂
g А₁А₂, а₁А₂ а₁а₂
F₁ А₁а₁А₂а₂ , а₁а₁А₂а₂
1 оч қизил 1 жуда оч қизил
2) P ♀ A₁а₁а₂а₂ X ♂ а₁а₁А₂а₂
g А₁а₂, а₁а₂ а₁А₂, а₁а₂
F₁ А₁а₁А₂а₂ , А₁а₁а₂а₂ , а₁а₁А₂а₂ , а₁а₁а₂а₂
1 оч қизил 2 жуда оч қизил 1 оқ

3) P ♀ A₁а₁А₂а₂ X ♂ А₁а₁А₂а₂

g А₁А₂, А₁а₂, а₁А₂, а₁а₂ А₁А₂, А₁а₂, а₁А₂, а₁а₂
F₁ 1. А₁А₁А₂А₂ = 1 тўқ қизил 1 тўқ қизил
2. А₁А₁А₂а₂ = 2 қизил
3. А₁а₁А₂А₂ = 2 қизил 4 қизил
4. А₁а₁А₂А₂ = 4 оч қизил
5. А₁А₁а₂а₂ = 1 оч қизил 6 оч қизил
6. а₁а₁А₂А₂ = 1 оч қизил
7. А₁а₁а₂а₂ = 2 жуда оч қизил 4 жуда оч қизил
8. а₁а₁А₂а₂ = 2 жуда оч қизил
9. а₁а₁а₂а₂ = 1 оқ 1 оқ