4. Кадрлар масаласи бўйича бош мутахассиснинг функционал вазифалари:
Кадрлар масаласи бўйича бош мутахассис:
қўмитанинг ҳар бир ходими бўйича шахсий йиғма жилдларни расмийлаштиради;
қўмита раисининг топшириғи бўйича қўмита ходимларини ишга қабул қилиш ва эгаллаб турган лавозимидан озод этиш тўғрисида буйруқлар лойиҳаларини тайёрлайди, қўмита ходимларининг шахсий варақалари ва меҳнат дафтарчаларини юритади;
аттестация комиссияси учун зарур бўлган ҳужжатларни тайёрлайди;
меҳнат дафтарчаларини тўлдиради ва сақлайди, қўмитанинг ҳар бир ходими бўйича иш стажини ҳисобга олиб боради ва заруратга кўра керакли ахборот беради;
ходим пенсияга чиққан тақдирда, зарурий ҳужжатларни тайёрлайди ва расмийлаштиради;
белгиланган нормативларга мувофиқ ҳужжатларни архивга тайёрлайди ва топширади;
қўмитада ички тартиб ва меҳнкт интизомига риоя этилишини назорат қилади;
кадрлар масаласи бўйича зарурий ахборотни тайёрлайди.
5. Масус иш бўйича бош мутахассиснинг функционал вазифалари:
Масус иш бўйича бош мутахассис:
“махфий”, “хизматда фойдаланиш учун” грифига эга ҳужжатлар билан бегиланган тартибда иш юритади;
махфий ишларни юритишда махфийлик режимини таъминлаш бўйича чора-тадбирлар ишлаб чиқади ва уларни амалга оширади ҳамда унга риоя этилишини назорат қилади;
бошқа бўлинмалар ва ташкилотларнинг Ўзбекистон Республикаси давлат сирларини сақлаш борасидаги фаолиятини мувофиқлаштиради.
6. Юридик маслаҳатчининг функционал вазифалари:
Юридик маслаҳатчи:
норматив-ҳуқуқий ҳужжатлар ишлаб чиқаради ёки уларнинг ишлаб чиқилишида иштирок этади;
ташкилотда ҳуқуқий ишларга услубий раҳбарлик қилади ва унинг тузилмавий бўлинмаларига ҳуқуқий ёрдам кўрсатади, даъволар рад этилган тақдирда асосланган жавоблар тайёрлашда иштирок этади;
хўжалик ҳисобини, шартнома, молия ва меҳнат интизомини мустаҳкамлаш, ташкилот мулкини сақлаш, камомадлар ҳамда ўғриликларга қарши кураш бўйича чора-тадбирлар ишлаб чиқишда ва уларни амалга оширишда иштирок этади;
шартномалар тузиш, уларнинг юридик жиҳатдан асослилиги тўғрисида хулосалар тайёрлаш, дебиторлик ва кредиторлик қарздорлик масалаларини кўриб чиқиш ишларида иштирок этади;
даъволарга жавоблар тайёрлаш учун маълумотномалар, ҳисоб-китоблар, тушунтиришлар ва бошқа материалларнинг ўз вақтида тақдим этилишини назорат қилади;
бошқа бўлинмалар билан ҳамкорликда қўмита томонидан чиқарилган амалдаги буйруқ ва бошқа норматив ҳужжатларни ўзгартириш ёки ўз кучини йўқотганларини бекор қилиш тўғрисда таклифлар тайёрлайди;
ишлаб чиқилган идоравий норматив ҳужжатлар лойиҳаларининг амалдаги қонун ҳужжатларига мувофиқлиги тўғрисида хулосалар тайёрлайди;
ҳуқуқий ташвиқот, қўмитанинг мансабдор шахсларини уларнинг фаолиятига тегишли бўлган норматив ҳужжатлар ва амалдаги қонун ҳужжатларидаги ўзгаришлар билан таништириш ишларин олиб боради;
ташкилот ходимларига жорий қонун ҳужжатлари тўғрсида маълумотномалар ва маслаҳатлар беради, шунингдек ташкилий-ҳуқуқий ва бошқа юридик масалалар бўйича хулосалар беради, мулкий-ҳуқуқий тавсифдаги ҳужжатларни расмийлаштиришда ёрдам кўрсатади.
Do'stlaringiz bilan baham: |