87
кўпчилик рус олим, сиёсатчи ва
мутафаккирлари, масалан С.Г.Кара-Мурза,
М.И.Беляев, Сергей Батчиков, П.Хомяков ва бошқа кўпчиликнинг
мутахассис олимлар, файласуф ва сиёсатчилар фикрларига кўра бу
тушунчанинг ишлатилишида асос йўқ эмас. Масалан, турли ижтимоий
тизимлар тарихини махсус ўрганиш бўйича ихтисослашган С.Г.Кара-
Мурзанинг тушунтиришича, кейинги вақтларда бу
тушунчанинг жуда кенг
тарқалаётгани ва у Европа ҳамда дунёнинг бошқа ривожланаётган “биринчи
мамлакатлари”нинг “Иқтисодий ҳамкорлик ва тараққиёт” ташкилотига
кирган 24 мамлакат халқи назарда тутилаётгани ҳисобга олинса, шундай
концепция мавжудлиги ҳақидаги фикрларда асос мавжудлигини инкор этиб
бўлмайди. “Ушбу концепцияни қабул қилиш ё қилмаслик ахлолоқий ва хатто
диний нуқтаи назарга боғлиқ, - дейди У. – Лекин бу ғоя христианликка (шу
жумладан, исломга ва айниқса буддизмга) мутлақо зиддир.”
1
Бир сўз билан
айтганда, ХХ1 аср бўсағасида Ғарбда радикал
мальтусчилик концепцияси
қайта туғилди.
Россия сиёсатчиларидан ва зиёлиларидан бир қисми 90 йилларда янги
либерализм ва европамарказчилик мафкураси таъсирида ушбу утопияни
қабул қилган ва унинг тарғиботчиларига ҳам айланган эди.”
2
Россия сиёсий
агентлиги янгиликларида ўз изланиш натижаларини эълон қилган С.Батчиков
ҳам “90 йилларда неолиберал глобаллаштириш ташвиқотига берилган рус
сиёсатчилар ва зиёлиларининг бир қисми етакчи Ғарб социологларининг бу
борадаги фактларни айтмай келишганида айблайди.”
3
Лекин, умуман
олганда, БМТ маълумотларига кўра ҳам Ерда бор хомашё миқдори ва
энергия ресурслари (оптимал ишлатилса) фақат 1 млрд киши учун етарли.
Ваҳоланки, 2000 йил ва ундан кейин аҳоли сони 8 млрд.
дан ошиши
кутилади. Бундан табиий равишда ўша “олтин миллиард”нинг АҚШ, Япония,
ИҲМларига кирувчилардан ташкил топиши, асосий хомашё ва энергия
манбаларининг эгалари бўлган қолган мамлакатларнинг аҳолиси эса
юқоридагиларнинг колонияларига айланиши ҳақидаги хулоса келиб чиқади.
Ғарб мутахассис олимлари шуларни назарда тутиб ва қолган 7 млрд.
аҳолини тизгинда тутиб туриш мумкин эмаслигини ҳисобга олиб, ХХ
асрнинг 90 йилларида давлатларни “интернационаллаштириш ва уларни бир
бири билан боғлаш” деб номланган янги назарияни ишлаб чиқдилар. Бу
назария моҳиятан капитални, товарларни ва ишчи кучини, охир оқибатда эса
бутун хомашёни ҳам ягона марказ томонидан тақсимланиши йўлга
қўйиладиган ва бу ишда ТНКнинг халқаро қуролли кучлари “тартиб ва
барқарорлик” ўрнатадиган жаҳон марказини яратишни кўзда тутади. Унинг
амалий дастури эса Ернинг табиий ва энергетик ресурслари устидан назорат
қилишни жаҳоннинг саноат-молиявий элитаси қўлига топширишни кўзда
тутади, давлатларнинг ўз табиий бойликларига бўлган суверенитетини бекор
1
Кара-Мурза С.
Концепция "золотого миллиарда" и Новый мировой порядок.// http://burkina-
faso.narod.ru/kara/oro 2.htm
2
Ўша ерда.
3
Қаранг: Батчиков С. Глобализация: управляемый хаос. // http://www.apn.ru/publications/article19369.htm.
88
қилади, яъни дипломатлар хомашёларнинг миллий “уйлар”га тарқалиб
кетиши хавфини олиш мақсадини олдинга суради.
“Олтин миллиард” дастурининг асосига қўйилган
демографик кризис
муаммоси академик С.П.Капица
1
томонидан ҳам назарий жиҳатдан
ўрганилганди. Унинг инсоният популяциясининг ўсиши қонунини тадқиқ этиб,
чиқарган хулосасига кўра 2030 йилга қадар планета аҳолиси ё ўсишдан тўхташи
керак, ёки унинг депопуляцияси (популяция сифатида халок бўлиши)
муқаррар.
2
Ваҳоланки, булар, ўз навбатида, очарчилик, пандемиялар (кенг
кўламли эпидемиялар), урушга олиб келувчи конфликтларга ва ш.к. олиб
келиши кутилади. Шунинг учун Рим клуби ёрдамида “олтин миллиард” дастури
ишлаб чиқилгани ҳақидаги фикрларда асос бор.
Албатта, бу янги стратегия, гарчи, хатто у четлаб ўтилиши
мумкин
бўлмаган зарурат экани илмий асослаб берилган тақдирда ҳам, у “олтин
миллиард” доирасига кирмайдиганлар томонидан қабул қилинишини тасаввур
ҳам қилиб бўлмайди. Узоқни кўра биладиган кўпчилик Ғарб сиёсатчилари бу
катта кўпчиликнинг реакцияси бошқача бўлишини – жаҳон цивилизациясининг
парчаланиши, халок бўлиши эҳтимоли жуда катта бўлишини башорат
қилмоқдалар.
3
Бу эса глобал цивилизацион
халокат даври келганини
билдиради.
Аслида бу сўнгги хулоса янгилик эмас. Зеро барча динларда бундай
давр келиши башорат қилинган ва у “охир замон” ҳақидаги эсхатологик
таълимотларда ўз ифодасини топган. Шунинг учун бунда асл муаммо ким
сақланиш ҳуқуқи ва имкониятларига эга бўлиши ёки эга бўлмаслиги
кераклигида эмас, балки охиратга қандай маънавий қиёфа билан боришда
эканини кимлардир ҳамон фаҳмлай олмай турганидадир. Лекин, эндиликда Ғарб
файласуфлари ва руҳшунослари орасида ҳам мазкур кризисдан қутулиш йўли
сифатида ёшларнинг
онгида революция содир этиш, уларнинг дунёқарашини
инсонпарварлаштириш зарурлиги йўлини кўрсатаётганлар ҳам бор. Масалан,
ушбу муаммога турли томондан ёндошувлар Тимоти Лири, Роберт Уилсон,
Станислав Гроф кабилар томонидан олдинга сурилган.
4
Биз ҳам айни шу хулоса
тарафдоримиз. Аммо бу ниятлар қачон ва қандай амалга ошиши ҳозирча
номаълум. Чунки, ХУ11 асрлардан буён шаклланиб,
ривожланиб, амалиётда
қўлланиб келинган дунёқарашнинг туб ўзгариши қийин.
Do'stlaringiz bilan baham: