Ўзбекистон республикаси олий ва ўрта махсус таълим вазирлиги жиззах политехника институти н. Н. Алимов, Ж. Р. Турматов

Дарс ишланмасининг намунавий кўриниши
I. Дарснинг мавзуси
II. Дарснинг мақсади
III. Дарсда ёритилиши лозим бўлган асосий тушунча ва атамалар
IV. Дарс учун зарур жихозлар ва маълумот манбалари
V. Дарснинг босқичлари ва вақт тақсимоти.
VI. Дарснинг тафсилотлари


Дарснинг мавзуси - ўқув дастурига мувофиқ танланади..
Дарснинг мақсади - давлат таълим стандарти талабларидан келиб чиқиб аниқланади. Дарснинг мақсади - ўқитувчи ўқувчига қандай билим, малака ва кўникмаларни бериши кераклиги билан эмас, балки ўқувчилар бу дарсдан қандай билим, малака ва кўникмаларни эгаллашдан келиб чиқиб ёзилиши лозим. Шунга кўра дарснинг мақсадини «ўқувчиларнинг қуйидаги билим, кўникма ва малакаларни эгаллашларига эришиш: ...» сўзлари билан бошлаш мақсадга мувофиқ бўлади. Мақсад аниқ, содда ва тушунарли жумлалар билан ифодаланмоғи керак. Энг асосийси - дарсдан кўзланган мақсадга ҳақиқатдан эришиб бўладиган ва натижасини текшириб бўладиган бўлмоғи лозим.
Дарсда ёритилиши лозим бўлган асосий тушунча ва атамалар - ўқув дастурига мувофиқ таълим мазмунидан келиб чиқиб аниқланади.
Дарс учун зарур жиҳозлар ва маълумот манбалари - дарс учун зарур бўлган дарслик ва бошқа ўқув адабиётлари, кўргазмали қуроллар, тажриба учун мўлжалланган асбоб-ускуналар, моделлар, плакатлар, тарқатма материаллар, далилий ашёлар, қоғоз, ёзув-чизув қуроллари, компьютер, аудио ва видео аппаратуралари ҳамда ўқитишнинг бошқа техник воситалари рўйхатидан иборат бўлади. Шунингдек, бу бўлимда дарсгача қилиш керак бўлган ишлар, ўқув хонасини дарсга тайёрлаш, стол ва стулларни ёки парталарни дарсга мос қилиб жойлаштириш тавсифланиши ва тайёрлаш керак бўлган материаллар рўйхати келтирилиши, бу материалларнинг андозалари тавсифланиши ёки илова қилиниши керак.
Дарснинг босқичлари ва вақт тақсимоти - икки устундан иборат жадвал бўлиб, биринчи устунга дарснинг асосий босқичлари, иккинчи устунга эса ҳар бир босқич учун зарур бўлган вақт тақсимоти кўрсатилади.