Ўзбекистон республикаси олий ва ўрта махсус таълим вазирлиги жиззах политехника институти “Ер усти транспорт тизимлари” кафедраси

Назорат саволлари

1. 
   Тасмали ковейрларнинг вазифаси ва қўлланиш соҳаси ҳақида маълумот беринг.
   
2. 
   Тасмали ковейрларнинг тавсифини келтиринг.
   
3. 
   Тасмали конвейр қурилмалари ва ишлаш принципини тушунтириб беринг.
   

ГРОХОТ ИШ ЖАРАЁНИНИ ҲИСОБЛАШ


Ишнинг мақсади: Грохот иш жараёнини ҳисоблаш усулини амалда ўрганиш ва элакнинг ишчи ўлчамларини ва иш унумдорлигини аниқлаш.
Умумий маълумотлар
Қурилиш материаллари (қум, гравий, шағал ва бошқ.) донадорлиги бўйича турли фракцияларга ажратилади. Буниг учун махсус машиналар – грохотлар ишлатилади. Грохотларнинг ишчи органлари тўқима ип (сим)ли, перфараторли панжара ёки колосникли бўлиши мумкин.
Материални донадорлиги бўйича ажратиш вақтида доналари ишчи органдаги тешиклардан кичик бўлса, ундан ўтиб пастки синфни ва ўтмай қолган доналар эса юқориги синфни ташкил қилади.
Грохотлар стационар (қўзғалмас) қия колосникли панжара шаклида ясалган ёки ҳаракатланадиган яъни ишчи органи мажбурий ҳаракатга келтириладиган турларга бўлинади.
Ҳаракатланадиган грохотлар ичида экцентрик ёки инерцион узатмали ясси тебранма грохотлар кўп тарқалган.

9-расм. Бир элакли деболанс инерционли грохот. 1-ишчи орган (элак), 2-кути, 3-пружина, 4-дебаланс, 5-шкифли узатма.
Материалнинг донадорлиги бўйича фракцияларга ажралиш кетма-кетлиги ва элакларнинг жойлашиш ўрнига қараб элашнинг бир неча схемаси мавжуд



10-расм. Элаш схемалари. а-майдадан йирикга, б-йирикдан майдага, комбинацияланган.
Бу схемаларнинг ҳар бири ўз устунликларига ва камчиликларига эга, лекин 2-схема (10-расм, б) энг кўп тарқалган ҳисобланади. Чунки бу схемада грохотнинг иш унумдорлиги юқори, доналарга ажралиши сифатли ва элакнинг емирилиши кам бўлади.
Қуруқ элаш вақтида тебранма грохотнинг техник иш унумдорлиги қуйидагича аниқланади.

П_техн = qFk₁k₂k₃k₄k_p, т/соат. (73)

бу ерда: q – 1 м² элак юзасининг иш унумдорлиги, м³/соат (16-жадвал)

F – элак юзаси, м²;
 - материал зичлиги, т/м³, тош материаллари учун =1,8т/м³;
k₁ – материал доналарининг шакли ва грохот типини ҳисобга олувчи коэффициент (1-жадвал);
k₂ – грохот қиялик бурчагини ҳисобга олувчи коэффициент (16-жадвал);
k₃ – элакка тушаётган материалда пастки синфга тааллуқли бўлган доналар (ишчи органдаги тешиклардан кичик бўлган доналар) ни ҳисобга олувчи коэффициент. (16-жадвал);
k₄ – паски синфга тааллуқли бўлган доналар ичида ўлчами элак кўзи ўлчамининг ярмидан кичик бўлган доналарни ҳисобга олувчи коэффициент (16-жадвал);
k_р – материалнинг юмшаш коэффициенти, k_р = (0,6-0,8)
Гроходнинг ва материалнинг берилган параметрлари орқали бу формуладан фойдаланиб грохотнинг иш унумдорлигини ёки берилган иш унумдорлиги бўйича керакли ҳисобий юзани ҳисоблаб топиш мумкин.
Бу ишда 17-жадвалда берилган маълумотлардан фойдаланиб, грохотнинг ишчи юзасини ҳисоблаш талаб қилинади. Ишнинг график қисмида эса берилган типдаги грохот схемасини чизиш керак бўлади.