Ўзбекистон республикаси олий ва ўрта махсус таълим вазирлиги фарғона политехника институти

O‘zgartiruvchi elemetlar element chiqishida yoki miqdoriy jihatdan o‘zgacha, yoki fizik tabiati o‘zgartirilgan signalga ega bo‘lishda qo‘llaniladi. Bunday signalni o‘zgartirish shu elementdan keyin turgan elementlarning ishlashi yoki sezishi uchun noqulay bo‘lgan hollarda zarurdir.

Korreksiyalovchi va mo‘‘tadillashtiruvchi qurilmalar esa elementlar va tizimlarning dinamik sifatini o‘zgartirish uchun xizmat qiladi. SHunday elementlar bo‘lib, odatda, differensiallovchi qurilmalar hamda teskari bog‘lanishning boshqa elementlari va qurilmalari ham hisoblanadi.

Ko‘rsatilgan elementlarning ishlash qonuniyati va ishlash xarakteristikalari o‘qilgan elektortexnika va avtomatika elementlari kurslaridan ma’lumdir.

Sozlash va boshqarish tizimlarining asosiy elementlari bo‘lib boshqariluvchi ob’ektlar sanaladi. Bunday ob’ektlarga turli qurilmalar (dvigatellar, energiya manbalari, fazoda xarakatlanuvchi ob’ektlar, qizdirish o‘choqlari va h.k) kiradi.