Ўзбекистон республикаси олий ва ўрта махсус таълим вазирлиги фарғона давлат университети табиий фанлар факультети

Электрон таълим ресурслари:
1.www unep. org БМТнинг атроф-муҳит бўйича дастури.
2.www.undp.uz (БМТининг Тараққиёт Дастури веб-сайти).
3.www.gwpcacena.org
4.www.Ziyo.net.


14-Амалий машғулот: Иҳтиёрий олинган мавзулар бўйича малакавий битирув иши дастурини тузиш


Мақсад: Талабаларга Иҳтиёрий олинган мавзулар бўйича малакавий битирув иши дастурини тузиш ҳақида тушунчалар бериш
Топшириқ:Ўзингизга берилган битирув малакавий ишнинг мавзуси асосида дастур тузинг ва конспект дафтарига ёзинг
БМИларини ташкил қилишда энг муҳим масалалардан бири бу мавзуларни тўғри танлашдир. БМИ мавзулари ўқилган предметларнинг ўқув масалаларига жавоб бериши ва шу билан бирга фан ва халқ хўжалигининг амалий талаблари билан боғланган бўлиши керак. Шунингдек, улар илмий, замонавий бўлиб, талабаларда мустақил ижодий ишлаш кўникмаларини шакллантиришга қаратилган бўлиши лозим. БМИ бўйича ҳар бир вазифада янгилик элементи бўлиши керак. Вазифаларнинг бир хил қолипдалиги, уларнинг йилма-йил такрорланиши БМИнинг ҳам ўқув, ҳам муҳандислик қимматини йўқотади. БМИларининг мавзулари ҳар йили кафедра томонидан қайта кўриб чиқилади ва уни ёзиш муддати билан бирга тасдиқланади. Вазифалар индивидуал бўлиб, умумий талабларни бузмаган ҳолда талабаларнинг қизиқиш ва қобилиятларига мос бўлиши керак.
Талаба БМИ мавзусини танлаш ҳуқуқига эга . Мавзуга кўра ўқув юрти ёки корхонадаги турли хил материаллар, истиқболли, жорий, оператив-ишлаб чиқариш режалари, бизнес-режалар, бухгалтерия ва статистик ҳисоботлар ҳамда уларга тушунтирув хатларидан фойдаланиш мумкин. Амалий материаллардан ўринли фойдаланиш БМИнинг сифатини таъминлайди. Ўқув юрти ва корхоналардан материал танлаш, уларни танқидий талқин қилиш ва қайта ишлаш БМИни тайёрлаш ва ёзишнинг муҳим босқичи ҳисобланади.
БМИи унга раҳбарлик қилувчи ўқитувчи-раҳбар назорати остида ёзилади. Талаба раҳбар билан биргаликда ўрганилиши лозим бўлган масалалар ҳажмини белгилаб олади, тадқиқот режасини тузади, ишнинг таркибий қисмларини, унинг босқичларини бажариш муддатларини, адабиётларни ва бошқа материалларни аниқлайди.
БМИнинг ҳамма қисмлари қатъий мантиқий кетма-кетликда ва ўзаро боғлиқликда баён қилиниши лозим. Ишнинг мазмуни схемалар, жадваллар, диаграммалар, графиклар, фотосуратлар, расмлар ва ҳ.к.лар билан бойитилиши керак. Матндаги график материалларга тушунтириш бериш лозим.