Ўзбекистон республикаси олий ва ўрта махсус таълим вазирлиги фарғона давлат университети география кафедраси

Аниқроғи: 1989 йили 81 мамлакат олимлари, мутахассислари ҳамда давлат арбоблари қабул қилган «Озон қатламини муҳофаза қилиш Хелсинки Декларацияси» да 2000 йилга қадар фреон газларидан ишлаб чиқариладиган маҳсулотларни камайтириб бориш тадбирлари белгилаб берилди. Натижада сўнгги йилларда озон «туйнуги» нинг майдони қисқариб бормоқда.
Чўллашиш. Экологик муаммоларнинг дунё даражасидаги яна бири бу чўлланиш ва унинг майдонини кенгайиб боришидир. Қуруқ иқлим минтақасида чўллар майдонининг 60-йиллардан бошлаб кескин кенгайиши аввало ривожланаётган мамлакатларда аҳоли сонини тухтовсиз ошиб бориши, мамлакатларнинг мустақилликка эришиб қишлоқ хужалигини ривожлантиришга киришганлиги ва маълум маънода қўрғоқчилиқнинг тез-тез содир бўлганлиги билан боғлиқдир.
Аниқроғи: Қурғоқчилик иқлимли ерларнинг жами майдони таҳминан 40 млн км², яъни қуруқликнинг таҳминан 25 % ни ташкил этади. Бу ҳудудда суғориладиган ерларнинг 260 млн гектари ва бутун аҳолини 20 % истиқомат қилади. (900 млн киши атрофида)
Ҳозирги пайтда инсон фаолияти натижасида 9 млн км² майдонда чўл хосил бўлган. Ҳар йили тахминан 21 млн га ер тўлиқ бузилиб чўлга айланмоқда.
Дунё океани сувини кўтарилиши ва шўрлашиши дунё океанининг сатҳини кўтарилиши ҳаво ҳароратининг ортиб бориши билан бевосита боғлиқ. Дунё океани сатҳининг кўтарилишида икки жараённи эътиборга олишга туғри келади.
А) Океан сувини иссиқлик таъсирида кенгайиши
Б) Қуруқликдаги музликларни эриши.
Ҳаво ҳароратининг ортиб бориши натижасида океан сатҳининг кўтарилиши туғрисида турлича фикрлар мавжуд. Мутахассисларнинг таъкидлашича кейинги 100 йил мобайнида океан сатҳи йилига 1,2 мм дан кўтарилиб борган. Унинг ярми музликларнинг эриши, қолган қисми океан сувларининг иссиқлиқдан кенгайиши туфайли юз берган. Уларнинг таъкидлашича XXI асрнинг ўрталарида океан сатҳининг яна 30-100 см га кўтарилиши эҳтимоли бор.
Аниқроғи:Атроф-муҳитни муҳофаза қилиш бўйича Америка агентлигининг башоратига кўра 2100 йилга келиб Дунё океанининг сатҳи 1,4-2,2 м га кўтарилиши таҳмин қилинмоқда. Океан сатҳининг бунчалик кўтарилиши қуруқликнинг катта қисмини сув босишига олиб келади. Бу ноҳуш ҳодиса океанларга қуйиладиган йирик дарёларнинг делъталаридаги шоли экин далаларини сув бошишига олиб келади. (Чунончи, Бангладеш, Филлипин, Индонезия ва бошқ). Европада Недерландия, Дания ва денгиз бўйидаги паст текисликларда жойлашган бошқа мамлакатларнинг ҳудудлари сув остида қолиши эҳтимоли бор. Йирик шаҳарлар Янги Орлеан Қоҳира, Шанхай ва бошқа шаҳарлар сув босишдан жиддий зарар кўради ва умуман ҳарорат кўтарилиб борган сари дунё океани сувларининг шурлиги ҳам ортиб боради.
Йирик экологик муаммоларни ечими биринчи навбатда регионал ва локал экологик муаммоларни ҳал қилиш билан ечилади.