Ўзбекистон республикаси олий ва ўрта махсус таълим вазирлиги фарғона давлат университети география кафедраси

6-Амалий машғулот: Муҳандислик-географик йўналиш бўйича ҳудудни баҳолаш ва ер кадастри.
Мақсад:Талабаларга Муҳандислик-географик йўналиш бўйича ҳудудни баҳолаш ва ер кадастрини хусусиятларини ўргатиш
Топшириқ: Қуйидаги маълумотлар асосида муҳандислик-географик йўналиш бўйича ҳудудни баҳолаш ва ер кадастри хусусиятларини таҳлил қилинг
Муҳандислик-географик тадқиқотлар:Муҳандислик- географик тадқиқотлар ҳудудларнинг табиий шароитларига қараб ҳар хил муҳандислик иншоотларини жойлаштириш имконини ўрганади. Ўзбекистонда йўл, канал, шаҳарлар, саноат биноларини қуришда ернинг қиялиги ва релъефнинг нотекислиги, лёсс грунтларининг чўкиш эҳтимоли, қум кўчишлари ва тез-тез бўлиб турадиган кучли шамоллар ҳисобга олинади.
Бунда географ табиат ҳодисалари орасидаги қонуниятларни аниқлайди. Чунончи Ўзбекистоннинг жанубидаги қурғоқчилик районларда лёсс баланд уйлар, завод ва бошқа иншоотлар учун мустақил замин бўла олади. Лекин ҳудди шу лёсснинг ўзи республиканинг сернам тоғ олди районларида мустаҳкам эмас, балки тез чўкади, натижада иншоотлар деформацияга учрайди. Қизилқумда йўл қуриш лойиҳалари тузишда шамоллар режими, қум ҳаракатининг тезлигини ва қум релъефи шаклларини, қум кўчишига йўл бермайдиган ўсимлик турларини билиш шарт. Агар қурилиш олдидан мутаҳассис бундай маълумотга эга бўлмаса у ҳолда йўл қум келтирувчи шамоллар зонасига тушиб тез-тез қум босиб қолиши мумкин.
Саноат корхоналари: Махсус қурилма ва техника, технологияга эга бўлган маҳсулотни бирор турини ишлаб чиқарадиган хўжаликлар. (Масалан, заводлар, корхоналар, комбинатлар ва бошқ.)
Гидротехник иншоотлар: Оқар сувларни тақсимлаш билан боғлиқ бўлган иншоотлар. Масалан, сув омборлари, каналлар, шлюзлар, сув тақсимлагичлар ва бошқ.
Йўлларни лойиҳалашда муҳандислик-географик тадқиқотлар: Бунда асосий эътибор грунтнинг муҳандислик геологик ҳолатига берилади
Ер кадастри: (лотинча-кадаструм-рўйҳат) бирон жойдаги ер ресурсларини мунтазам равишда тасвирлаб ёзиб туриш.