Ўзбекистон республикаси олий ва ўрта махсус таълим вазирлиги фарғона давлат университети педагогика факультети

Халқаро Олимпия Қўмитасининг бешинчи Президенти
Эйвери Брэндеж
Брэндеж (Brandaqe) Эйвери (1887 йил 28 сентябрь, Детройт, АҚШ1975 йил 7май, Гармиш – Партенкихепен, Германия) – Халқаро Олимпия Қўмитасининг бешинчи Президенти. Ишчи оиласида туғилган, 1893 йилда оиласи билан Чикагога кўчиб келгач, Шервуд ўрта мактабида бошланғич таълим олади, 12 ёшидан “ Чикаго трибюн ” газетасини тарқатувчи бўлиб ишлай бошлайди. Бу ишини хусусий коллежда ўкиш билан бирга қўшиб олиб боради. Коллежда енгил атлетика кўпгина турлари, футбол ва баскетбол билан шуғулланади.
1909 йилда Иллинайс штати университетини тугаллаб, муҳандис – қурувчи ихтисослигини эгаллаган Эйвери Брэндеж Чикагодаги “ Холаберд ва Роше “ имеъморчилик фирмасида қурилиш бошқарувчиси вазифасида ишлаш билан бирга спорт билан фаол шуғулланади. У енгил атлетика кўпкураш бўйича АҚШ биринчилигининг 1910 йилги совриндоридир. 1912 йилги Стокгольм Олимпиадасида АҚШ терма жамоаси сафида енгил атлетика бешкураши бўйича бешинчи ўринни эгаллашга мувофиқ бўлган. Спортчи 1914, 1916 ва 1918 йилларда енгил атлетика кўпкураши бўйича мамлакат чемпиони ҳам ҳисобланади. Сўнг у қўл тўпи билан шуғуллана бошлаб, спортнинг бу турида Американинг энг яхши 10 ўйинчисидан бири, деб ҳам топилган.
Эйвери Брэндеж 1925 – 1927 йилларда қўл тўпи бўйича миллий қўмита раиси, 1928- 1935 йилларда АҚШ Хаваскор атлетика ассоциацияси, 1928 – 1952йилларда АҚШ миллий олимпия қўмитаси президенти бўлган. У 1930 йилда Халқаро ҳаваскор енгил атлетика федерацияси вице – президенти, 1936 йилда ХОҚ аъзоси, 1937 йилда ХОҚ ижроия қўмитаси аъзоси, 1945 йилда ХОҚ вице – президенти, 1946 йилда биринчи вице – президенти этиб сайланган.
1952 йил июнь ойида ХОҚ нинг Хельсинкида бўлиб ўтган, 48 – сессиясида Эйвери Брэндеж Халқаро Олимпия Қўмитасининг Президенти этиб сайланди. Эйвери Брэндеж биринчи бўлиб ХОҚ нинг Олтин медали билан тақд ирланган. У 85 ёшида ХОҚ нинг 1972 йилда Мюнхенда бўлиб ўтган 73 – сессиясида ўз ихтиёрига кўра истеъфога чиқди. Эйвери Брэндеж ҳаётининг сўнгги йилларини Германиянинг Гармиш – Партеркирхен шаҳрида ўтказди ва васиятига кўра шу ерда дафн этилди.