Ўзбекистон республикаси олий ва ўрта махсус таълим вазирлиги давлат солиқ ҚЎмитаси солиқ академияси

Технология – бирор ишда, маҳоратда, санъатда қўлланиладиган йўллар, усуллар мажмуаси.
Педагогик технология – энг қисқа ва умумлаштирилган таърифи – баркамол инсонни шакллантириш фаолияти.
Педагогик технология кенг ва сирқирра тушунчадир. Унинг бир қанча таърифларини таклиф этиш мумкин:
Педагогик технология – ахборотларни ўзлаштириш, улардан амалда фойдаланиш, янги мазмунни очиш ҳамда ахборотлар орасидаги янги боғлиқликларни очиш орқали янги ахборотлар яратишга ўргатиш жараёнидан иборат.
Педагогик технология – таълим методлари, усуллари, йўллари ҳамда тарбиявий воситалар йиғиндиси. У педагогик жараённинг ташкилий услубий воситалари мажмуасидир.
Педагогик технология – бу ўз олдига таълим шаклларини оптималлаштириш вазифасини қўйювчи, бутун ўқитиш ва билимларни ўзлаштириш жараёнини техникавий ва одам ресурсларини ва уларнинг ўзаро муносабатларини ҳисобга олган ҳолда яратиш, қўллаш ва аниқлашнинг тизимли методидир.
Педагогик технология – маълумотларни ўзлаштиришни таъминлаш учун қулай шакл ва усулда узатиш ва ўзлаштириш жараёнидан иборат. Демак педагогик технология – инсонга олдиндан белгиланган мақсад бўйича таъсир ўтказиш фаолиятидан иборат.
Педагогик технология – ўқувчини мустақил ўқишга, билим олишга, фикрлашга ўргатишни кафолатлайдиган жараёндир.
Педагогик технология – ўқитувчи раҳбарлигида талабанинг мустақил равишда билим олиши, ўрганиши, ўзлаштириши жараёнидир.
Бу фаолиятларни амалга ошириш, уни ташкил этиш, олиб бориш, такомиллаштириш, тадқиқ ва таҳлил қилиш, қиёслаш, умумлаштириш, хулоса чиқариш, бошқариш, назорат, баҳолаш каби жараёнларни ўз ичига олади.
Педагогик технология технологик ёндашувни талаб этади ва унга асосланади.
Технологик ёндашув деганда тайёр маҳсулот олиш учун ишлаб чиқариш жараёнларида қўлланиладиган усул ва методлар тўплами тушунилиб, қўйилган мақсадларга эришишда кутилган натижаларни кафолатлайдиган усул ва методлар мажмуасидир.
Педагогика фани ва амалиётида турли хил ёндашувлар қўлланилади:

1. 
   Оғзаки – кўргазмали ёндашув
   
2. 
   Танқидий – ижодий ёндашув
   
3. 
   Изланувчан ёндашув
   
4. 
   Тизимли ёндашув
   
5. 
   Технологик ёндашув
   
6. 
   Таълимни бошқаришга тизимли ёндашув
   
7. 
   Функционал ёндашув
   
8. 
   Комплекс ёндашув
   
9. 
   Муаммоли – унсурли ёндашув
   
10. 
    Фаолиятли ёндашув