Ўзбекистон республикаси олий ва ўрта махсус таълим вазирлиги cамарқанд давлат чет тиллар институти инглиз тили грамматикаси ва тарихи кафедраси

Ўқув фанининг мақсади ва вазифалари
Ўқув фанининг мақсади - талабаларда лингвистик, линвокультурологик ва коммуникатив кўникма ва малакаларни шакллантиришдир. Лингвистик компетентлик тил тизими ҳақидаги билим ва унинг хорижий тилда коммуникация жараёнида амал қилиш қоидаларини ўз ичига қамраб олади. Коммуникатив компетентлик нутқий коммуникация шартларига биноан хорижий тилда коммуникация жараёнини назарда тутади. Муомала (нутқ) вазиятида мурожаат кимга қаратилгани ва суҳбатдошларнинг ўзаро муносабати коммуникация жиҳатдан ўта муҳимдир.
Лингвокультурологик компетенция тили ўрганилаётган мамлакатнинг айни пайтдаги ижтимоий-иқтисодий ва маданий ривожи ва шунга мос тарзда нутқ муомала маданиятини назарда тутади. Асосий чет тили фанининг касбий педагогик мақсади эса ўрганилаётган тилни адаптив даражада конкрет педагогик муомала малакаларини эгаллашни (ўқувчиларнинг интеллектуал фаолиятини бошқариш, нутқ фаолиятини муайян мақсадга йўналтириш, нутқ фаолиятини ташкил этиш, уни назорат қилиш ва ҳ.к.) ўз ичига қамраб олади.
Фаннинг вазифаси – нутқ амалиёти талабаларнинг мантиқий тафаккурини, чет тилидаги нутқий қобилиятини, хотирлаш турлари, фикрлари, умумнутқий ва умумтаълимий йўриқларни, тил бўйича мустақил ишлаш малакаларини ривожлантиради. Асосий чет тили дарсларида амалий ва назарий грамматика, мамлакатшунослик, лексикология, тил тарихи, стилистика, шунингдек, психология, методика ва бошқа фанларда ўзлаштирган билим ва малакаларни қўлланилиши кўзда тутилади.
Фанни ўқитиш жараёнини ташкил этиш ва ўтказиш бўйича тавсиялар
Фанни ўқитиш жараёнида таьлимнинг аньанавий ва интерфаол ўқитиш усуллардан фойдаланилади. Назарий машғулотларда ҳар бир мавзу тегишли маьруза матнларини оғзаки тушунтириш йўли билан баён этилади. Семинар машғулотлари оғзаки ва ёзма шаклда ташкил этилиши кўзда тутилади. Маьруза ва семинар машғулотларини ўқитиш жараёнида илғор педагогик теxнологиялардан, xусусан кўргазмали слайдларни кодоскоп орқали намойиш eтиш, электрон материалларни проектор орқали тасвирга чиқариш воситаларидан фойдаланилади.
Фаннинг тегишли назарий ва семинар машғулотларида таьлимнинг инновацион, интерфаол методлари, жумладан экспресс-сўровлар, ақлий ҳужум, ажурли арра, мунозара, кичик гуруҳларда ишлаш, меню, дебат каби методларини қўллаш назарда тутилади.