Отантой Сотилганов, 56 ёшда, Қизилжар раёни, Каравон қишлоғида яшовчи, қирғиз, Қирғизистон АССР фуқароси, уйланган, саводсиз, бой-чорвадор, ер-сув ислохоти даврида хўжалиги қисман тугатилган, судланмаган, у қуйидагича айбланган:
а) 1929 йил кузидан Носирхонтўра раҳбарлигидаги босмачилар ҳаракатига қўшилган ва сенятбрь-октябрь ойлари давомида ҳудудни яхши билганлиги туфайли босмачиларни Қизиллар қисми зарбасидан бир неча бор қутқазиб қолган,
б) босмачилар тор-мор этилган 1929 йил октябрда Носирхонтўра билан бирга яширин ҳолатга ўтиб совет ҳокимиятини ағдариш мақсадида Носирхонтўра бошчилигида қўзғолончилар гуруҳ, ячейка ва ташкилотларини тузишда фаол қатнашган,
в) 1930 йил 2 июнда Қоратоғ ҳудудида қизил отрядлар билан бўлган жангда иштирок этган, жанг майдонидан ярадор бўлган қўрбоши Истамбекни олиб чиққан, уни таъқиб қилаётган отряддан яширган – яъни ЎзССР Жиноят Кодексининг 58-67 моддалари билан айбланган.
Айбдорлигини тан олган.
Мулла Самиулла Сафиуллаев – 54 ёшда, Наманган шаҳридан, татар, ЎзССР фуқароси, диний маълумот олган, собиқ катта ер эгаси ва савдогар, ер-сув ислохоти бўйича мулки қисқартирилган, оилали, судланмаган, -
а) Намангандаги аксилинқилобий ташкилот аъзоси, аксилинқилобий ташкилотга фаолларни жалб этиш билан машғул бўлган,
б) Носирхонтўрани собиқ офицер ва оқ гвардиячи Гумбин билан боғлаган,
в) қўзғолон режасини тузишда ва иттиқофнинг марказий қисмларидан ташкилот эхтиёжлари учун ҳарбий мутахассисларни жалб қилиш, ўқ-дорилар билан таъминлаш, шунингдек, Полшага делегат юборишни ташкил этиш мақсадида Гумбин билан музокараларда иштирок этган.
Яъни ЎзССР ЖК 58-67 моддаларида билан айбланган.
Айбларга қисман иқрор бўлган.
Хожихон Қаноатов, Мамазоир Шукурбоев, Гумбин Игнатий, Болтабой Ўразалиевлар кўрсатмалари билан фош этилган.
Гумбин Игнатий – 38 ёшда, Татаристон Республикаси Мамадиш кантони, Комаровка қишлоғидан, чўқинтирилган, татар, РСФСР фуқароси, саводли, 1930 йил баҳорида Ўрта Осиёга келгунга қадар Волга пароходларида буфетлар ижараси билан шуғулланган, революцияга қадар чор армиясида унтер-офицер, 1917 йилда прапоршикликка ўтказилган, революциядан кейин, 1918 йилдан 1922 йилгача Мамадиш кантони ҳарбий комиссар ёрдамчиси, 918 йилдан 1922 йилгача коммунист, оқларда сафарбарлик бўйича қисқа вақт ҳизмат қилган, судланган, -
а) аксилинқилобий босмачи исёнчи ташкилот аъзоси,
б) қўзғолоннинг умумий режасини ишлаб чиқишда иштирок этган, Наманган қалъасини босиб олиш ва темир йўл кўприкларини портлатишга раҳбарлик қилиш вазифасини ўз бўйнига олган,
в) Носирхонтўра топшириғи билан босмачилар отрядларига ўқ-дориларни тайёрловчи усталар ва собиқ офицерларни ёллаш учун Қозон шаҳрига борган,
г) Носирхонтўра билан ҳамкорликда босмачилардан ташкил топган делегатларни Полшага жўнатишга тайёрлаган,
яъни ЎзССР ЖК 58-67 моддаларида кўрсатилган жиноятларни содир этишда айбланган.
Айбига иқрор бўлмаган.
Саимулла Сайфуллаев, Эшон Дадахон Носирхоновларнинг кўрсатмалари билан фош этилган.
Do'stlaringiz bilan baham: |