Ўзбекистон республикаси олий ва ўрта махсус таълим вазирлиги бердақ номидаги қорақалпоқ давлат университети

Давлат бюджетининг даромадлари - мамлакат ялпи ички (мил-лий) маҳсулотини тақсимлаш ва қайта тақсимлаш умумий жараѐни-нинг элементларидан бири бўлиб, улар оралиқ (транзит) характерга эга.
Бюджет даромадларининг моддий-буюмлашган мазмунини давлатнинг ихтиѐрига бориб тушган пул маблағлари ташкил этади.
Бюджетнинг солиқли даромадлари таркиби мамлакат солиқ қонунчилигига мувофиқ умумдавлат солиқлари ва йиғимлари, ма-ҳаллий солиқлар ва йиғимлар, божхона божлари, бож йиғимлари ва бошқа бож тўловлари, давлат божи, пеня ва жарималардан иборат.
Бюджет харажатлари ЯИМнинг қайта тақсимланиши натижасида давлат бюджетида жамланган пул маблағларининг мақсадга мувофиқ қайта тақсимланиши ва ишлатилиши билан боғлиқ бюджет қонунчилиги билан тартибга солинадиган пул муносабатлари йиғиндисидир
Давлат бюджетининг харажатлари - умумий молиявий кате-гория бўлган бюджетнинг кўринишларидан бири бўлиб, унга те-гишли бўлган умумий хусусиятларга эгадир, яъни улар тақсимлаш характерига эга, ифодаланишнинг пул шакли хос, пул фондлари-нинг амал қилиши билан боғланган ва давлат томонидан ташкил қилинади.
Бюджетнинг жорий харажатлари – бюджет харажатларининг бир қисми бўлиб, давлат хокимияти органларининг, маҳаллий ўз-ўзини бошқариш органларининг, бюджет ташкилотларининг жорий фаолиятини таъминлашга, давлат томонидан қуйи поғонадаги бюджетлар ва иқтисодиѐтнинг айрим тармоқларига маблағ ажратиш, дотациялар, субвенциялар ва субсидиялар шаклида ѐрдам кўрсатиш учун ажратилади.
Бюджетнинг капитал харажатлари – бюджет харажатларининг инновация ва инвестиция фаолиятини таъминлайдиган қисми ҳисобланади. Унга тасдиқланган инвестиция дастурига мувофиқ ишлаб турган ѐки янгидан ташкил қилинадиган корхоналар, ташкилотлар ва муассасаларга инвестициялар учун мўлжалланган харажатлар киради.
Ижтимоий соҳа ва аҳолини ижтимоий қўллаб-қувватлаш хара-жатлари ўз таркибига маориф, соғлиқни сақлаш, маданият ва спорт, фан, ижтимоий таъминот, аҳоли учун ижтимоий аҳамият касб этган хизматлар баҳоларидаги фарқларни бюджетдан қоплаш ва оила-ларга ижтимоий нафақаларни олади.