Ўзбекистон республикаси олий ва ўрта махсус таълим вазирлиги қарши муҳандислик – ИҚтисодиёт институти нефть ва газ иши кафедраси

5. Тадқиқот мақсади: Ишнинг асосий мақсади турли геологик-физик шароитларидаги газ ва газконденсат конларида коллектор-жинсларни деформацияланишини қудуқлар маҳсулдорлигига таъсир даражасини аниқлаш, қудуқларни оқилона ишлатишни режимини асослаш ва қатламларни якуний газ бераолишлик коэфициентини ошириш учун тавсиялар ишлаб чиқиш ҳисобланади.
6. Тадқиқотнинг объекти: Ўзбекистон Республикасининг Бухоро-Хива нефтгазли ўлкасидаги меъёрсиз ва гидростатик қатлам босимли газ ва газконденсат конлар.
7. Тадқиқотнинг предмети: Газ ва газконденсат конларида қудуқлар маҳсулдорлигини коллектор-жинсларни деформацияланишидан боғлиқлик даражасини ўрнатиш ва уларни қатлам энергиясини энг тежамкор оқилона ишлатиш режимини асослаш.
8. Кутилаётган илмий янгиликлар: Қудуқларни маҳсулдорлигига коллектор-жинсларни деформацияланишини таъсирини ўрганиш ва уларни боғлиқликларини аниқлаш қуйидаги сабабларга кўра газ ва газконденсат конларини ишлашдаги энг муҳим ва мураккаб вазифалардан бири ҳисобланади:
- турли тоғ-геологик шароитларда, коллекторларни турлилик даражаси ҳусусиятларида ифодаланувчи газ уюмларини кўп кўринишли табиий ҳолатлари;
- коллектор-жинсларни деформацияланишига бир вақтда табиий ва техноген омилларни таъсири;
- тадқиқот объектларини ва уларни ишлаш шароитларини хусусиятловчи кўплаб кўрсатгичларни вақт давомида ўзгариши;
- катта ҳажмли геологик-кон маълумотларини йиғиш, тартибга солиш, таҳлил қилиш, математик боғлиқликларни олиш ва асослаш.
Коллектор-жинсларни деформацияланишини ўтказувчанлик ва ғоваклик коэффициентларига, қудуқларни маҳсулдорлигига ва дебитига таъсирини ўрганишга бағишланган тадқиқот усулларини ва натижаларини кўрсатишига энг мақбул ва ишончли натижалар қудуқларни газодинамик тадқиқотлари маълумотлари эканлигини кўрсатади. Шу сабабли қудуқларни газодинамик тадқиқотлари натижасида олинган маълумотлар асосида қуйидаги илмий янгиликларни олиш режалаштирилмоқда:
- меъёрсиз катта қатлам босимли уюмлар учун қудуқ маҳсулдорлиги динамикасини коллектор-жинсларни деформацияланишидан боғлиқлигини ўрнатиш;
- гидростатик қатлам босимли уюмлар учун қудуқ маҳсулдорлиги динамикасини коллектор-жинсларни деформацияланишидан боғлиқлигини ўрнатиш;
- меъёрсиз ва гидростатик қатлам босимли уюмлар учун олинган натижаларни таққослаш.