Ўзбекистон республикаси олий ва ўрта махсус таълим вазирлиги а.ҚОдирий номидаги жиззах давлат педагогика институти

Амалий ва таҳлилий маълумотларни йиғиш ва қайта ишлаш
Амалий ва таҳлилий маълумотларни йиғишда тадқиқот объектининг ҳисоботларидан, илмий-амалий анжуманлар материалларидан, социологик тадқиқотлардан фойдаланилиши мумкин. Бундан ташқари, танланган мавзу бўйича мустақил тадқиқотлар, кузатишлар, сўров ўтказиш ва иқтисодий ҳисоб-китоблар қилиш ҳам муҳим аҳамиятга эга бўлиши мумкин. Турли кўрсаткичларнинг динамикасини таҳлил қилиш учун бир неча йиллик керакли маълумотларни йиғиш талаб қилинади. Камида охирги уч йиллик маълумотлар бўлиши лозим. Йиғилган маълумотларни алоҳида боблар ва параграфлар бўйича тақсимлаш ва шундан кейингина уларни ҳар бир бўлим ва параграф мақсади ва вазифаларига мос равишда қайта ишлашга киришиш мақсадга мувофиқдир.
Мундарижада курс ишининг барча қисмлари, яъни кириш, асосий қисм ва унинг параграфлари, хулоса, фойдаланилган адабиётлар жойлашган саҳифа рақамлари билан биргаликда келтирилади.
Курс ишига раҳбарлик қилиш
Курс ишига умумий методик раҳбарлик мазкур курс иши тегишли бўлган фандан дарс машғулотларини олиб бораётган профессор-ўқитувчилар томонидан амалга оширилади ва курс иши бўйича белгиланган иш юкламаси ҳажми ҳам уларнинг юкламасида акс эттирилади.
Курс иши раҳбари:

• 
  талаба ва магистрга курс ишини бажаришда бевосита раҳбарлик килади; - раҳбар курс ишининг режасини талаба ва магистр билан биргаликда тузади ва мақсадини аниқлаб, талаба ва магистрнинг ижодий изланишларини мазкур режага мувофиқлаштиришга ёрдам беради;
  
• 
  талаба ва магистр билан биргаликда илмий-тадқиқот усулларини аниқлайди;
  
• 
  раҳбар талаба ва магистр билан биргаликда курс ишининг бажарилиш жараёнини таҳлил қилади, у томонидан ишлатиладиган илмий атамалар, шартли белгилар ва символларнинг қўлланилиш тартибига риоя қилинишини назорат қилиб боради. Курс ишлари давлат стандартлари асосида тайёрланади ва бу талаба ва магистрнинг келгусида илмий ишларини бажариш малака ва кўникмаларининг тўла шаклланишига ёрдам беради.
  

Раҳбарлар томонидан кўриб чиқилган ва ёзма равишда хулосаланган курс ишлари семестрдаги имтиҳонлардан 10 кун олдин кафедрага топширилади. Кафедра мудири курс ишига тақриз бериш учун кафедранинг доцент, катта ўқитувчи ёки ўқитувчиларига топширади.
Тақризчининг тақризи эркин шаклда тайёрланади. Аммо унда, албатта:

1. 
   ишнинг афзаллик жиҳатлари; 2) хатоси ва бошка камчиликлари; 3) ишнинг қўйилган талабларга мослиги; 4) ҳимояга қўйилиши ёки қўйилмаслиги кўрсатиб ўтилади. Тақризчи томонидан ижобий баҳоланган курс ишлари кафедрада ҳимоя қилишга тавсия этилади.
   

Деканат томонидан белгиланган муддатда талаба ва магистрлар курс ишини очиқ ҳимоя қиладилар.