Ўзбекистон республикаси олий ва ўрта махсус таълим вазирлиги а.ҚОдирий номидаги жиззах давлат педагогика институти педагогика-психология кафедраси

Ўқувчиларни ҳамкорликда ишлашга ўргатишга оид тренинг машғулотлари режаси

№	Машғулотлар мавзуси	Соат
1 2 3 4 5 6	Биз турфа одамлармиз Мен-бу мен Мен ва тенгдошларим Мен ва менинг ўқитувчиларим Мен ва менинг оилам Мен ва менинг келажагим	2 2 2 2 2 2
7	Ҳаммаси тамом бўлади, аммо биз қоламиз	2

Биз турфа одамлармиз
Машқ: «Тренингда билдириладиган истаклар»
Дастлаб, тренинг раҳбари гуруҳ аъзоларининг ҳар бири ўзларининг тренингдаги исмларини қайд қилувчи карточка (кўкракка тақиладиган)ни тайёрлашлари бўйича тушинтириш беради ва 3-5 минут вақт ажратади. Бунинг учун ҳар бир иштирокчи ўзига исм танлайди. Улар исм танлашда машҳур кишиларнинг номини ҳам олиш ҳуқўқига эгадирлар. Танлаш ҳуқўқи эркин. Исмлар аниқ ва етарли катталикда ёзилиши лозим. Карточкалар кийим кўкрагига тўғноғич ёрдамида маҳкамланади. Тренинг қатнашчисига бутун машғулот давомида шу исм билан мурожаат қилинади.
Гуруҳдаги танишув :
Гуруҳ аъзолари доира бўлиб ўтирадилар. Биринчи иштирокчи туради, ихтиёрий бир қатнашчига яқинлашиб, у билан саломлашади ва унга тренинг шарти бўйича истак билдиради. Ҳар бир иштирокчи навбати билан бу жараённи давом эттиради.
Шундан кейин ўтказиладиган «Бир – бирингизни билинг» деб номланган машқ иштирокчиларнинг бир-бирларини англаб етишларига имкон берувчи машқ ҳисобланади. Бу машқ иштирокчиларни шахслараро муносабатга, ўзаро идрок қилишга, гуруҳ томонидан қабул қилинган меъёр ва шахс қадриятларини инобатга олишга ўргатади. Бу машқ тафсилоти қуйидагича: