Ўзбекистон Республикаси Олий ва Ўрта махсус таълим вазирлиги Андижон Давлат Университети

shaxsning o’zi nima?
Bu savolga javob berish uchun, avvalo, 
«odam»,
«inson», «individ», «shaxs»
tushunchalarini bir-biridan farqlab olish kerak
. 
1. Odam tushunchasi.
Odam – barcha jonzodlarning eng yuqori pog’onasida turadigan 
mavjudot, ijtimoiy jarayonlar sub`ekti. Odam ijtimoiy mehnat asosida shakllangan 
tafakkur va nutqqa ega bo’lishi, mehnat qurollarini yasash va atrof-muhitga faol ta`sir 
ko’rsata olish bilan boshqa tirik mavjudodlardan farq qiladi. Boshqacha aytganda, odam 
- fikrlash, so’zlash va mehnat qilish qobiliyatiga ega bo’lgan, shu tufayli boshqa hamma 
maxluqotdan ustun turuvchi jonli zot, kishi, inson. Odam ota, Odam alayhissalom diniy 
afsonalarga ko’ra er yuzida birinchi yaratilgan erkak. Moma Havoning jufti... Odam – 
Erdagi tirik organizimlar taraqqiyotining oliy bosqichi, ijtimoiy-tarixiy faoliyat va 
madaniyat sub`ekti. Odamni antropologiya fani o’rganadi. Odam o’zini-o’zi anglab, 
insonga aylanishning quyidagi shakllari mavjud: 
1) O’z-o’zini his etish, sezish. 
2) Idrok etish (fahmlash). 
3) Odam muayyan madaniyat va ijtimoiy guruhga o’zi mansubligini anglashi.
4) Odam o’z «men» iga ega bo’lishi («men» uchun namuna kerak).