Ўзбекистон Республикаси Олий ва ўрта махсус таълим вазирлиги Андижон вилояти Фавқулодда вазиятлар бошқармаси Ҳаёт фаолияти хавфсизлиги

Олиб борилган сўровномалар асосида оммавий ахборот воситалари фаолияти юритишидан кўзланган мақсад ҳам шу. Жамиятдаги муаммоларнинг борлигини, энг асосийси унга ечим топиш кераклигини айтишдан иборат. Шу тариқа одамларнинг теварак атрофларида кечаётган воқеа ва ҳодисаларга нисбатан жамоатчилик фикрини уйғотишдан иборат. Матбуотнинг барча жанрлари ҳали ҳануз айни мана шу мақсадга хизмат қилиб келиниши илмий таҳлил қилиниб, кенг жамоатчилик ўртасида хабар тарзида ёйиладиган барча ахборотлар сабаб ва оқибат баёнида кенг ва чуқур таҳлилий муносабатга муҳтож экантиги билан изоҳланади.
оммавий ахборорт воситалари жамиятнинг кўзгуси, жамоатчилик фикрини ифода этиш воситаси сифатида энг долзарб муаммолар, баҳс ва мунозарага сабаб бўлгувчи масалаларга эътиборни қаратаётганлиги илмий таҳлил этилди.
Мазкур монография жамоатчилик назоратини амалга оширишнинг механизмларини янада такомиллаштириш учун “Журналистик фаолиятни ҳимоя қилиш тўғрисида”ги Ўзбекистон Республикаси Қонунида белгиланган “Журналист текшируви” институтидан фойдаланган ҳолда, материалларни кўпроқ тайёрлаш керак. Ушбу Қонуннинг 9-моддасида бу норма қуйидагича белгиланган. “Журналист ўз текширувларининг натижаларини оммавий ахборот воситалари орқали тарқатиш билан бирга, уларни давлат органлари, фуқароларнинг ўзини ўзи бошқариш органлари, жамоат бирлашмалари, корхоналар, муассасалар, ташкилотлар ва мансабдор шахсларга тақдим этиш орқали жамоатчилик назоратини амалга ошириши лозим” [61].
Бундан ташқари, деярли ҳар кун “Uza.uz”, “Kun.uz”, “daryo.uz”, “Qalampi.uz” интернет сайтларида давлат ҳокимияти ва бошқаруви органлари мансабдор шахсларининг фаолияти билан боғлиқ турли танқидий мақолалар жойлаштирилиб келинмоқда. Шубҳасиз, жамоатчилик назоратини амалга ошириш механизмларидан бири, Фуқароларнинг ўзини ўзи бошқариш органлари бўлиб ҳисобланади. “Фуқароларнинг ўзини ўзи бошқариш органлари тўғрисида”ги Ўзбекистон Республикаси Қонунининг 16-моддаси “Фуқароларнинг ўзини ўзи бошқариш органлари томонидан жамоатчилик назоратининг амалга оширилиши” деб номланади. Ушбу моддада фуқароларнинг ўзини ўзи бошқариш органлари томонидан жамоатчилик назоратини амалга ошириш шакллари ҳамда фуқароларнинг ўзини ўзи бошқариш органларининг жамоатчилик назоратини амалга оширишдаги кафолатлари аниқ мустаҳкамлаб қўйилган. Қонунда “Жамоатчилик назорати” институтига қуйидагича таъриф берилган – давлат органлари фаолиятининг қонунийлигини таъминлаш, давлат органлари ва уларнинг мансабдор шахслари томонидан фуқароларнинг ҳуқуқлари, эркинликлари ва қонуний манфаатларини таъминловчи қонун ҳужжатларига риоя қилмаслик ҳолатларини а ниқлашга қаратилган фаолиятдир[31].