Ўзбекистон республикаси олий ва ўрта махсус таълим вазирлиги андижон машинасозлик институти

Меҳнат мухофазаси хизмати 
 
Ўзбекистон Республикаси “Меҳнат мухофазаси ҳақида”ги қонуннинг 
14-моддасига кўра корхоналарда тегишли бўлим- “Меҳнат мухофазаси 
хизмати” ташкил қилинади. 
Вазирликлар, муассасалар, концернлар, ассоциация ва бошқа хўжалик 
органлари меҳнат мухофазаси ҳақида ўзлари ишлаб чиққан Низом (Қоида) 
асосида касаба уюшмаларининг Марказий (Республика) комитети билан 
мувофиқлашган ҳолда фаолият юритадилар. 
Ишловчилар сони 50 киши ва ундан ортиқ бўлган корхоналарда 
махсус малакали мутахассислардан меҳнат мухофазаси хизмати ташкил 
қилинади, 50 та ва ундан кўп транспорт воситаси бўлган корхоналарда эса, 
йўл харакати хавфсизлиги хизмати ҳам ташкил қилинади (лавозимлар 
киритилади). 

---

бет. 
78 
Бундай “Хизмат”лар касаба уюшмаси билан келишилган Қоидалар асосида 
хизмат қилади, мақоми жиҳатидан корхонанинг асосий бўлими ҳисобланади 
ва корхона раҳбарига бўйсунади. 
Меҳнат мухофазаси хизматининг мутахассислари ҳар бир ишловчи 
меҳнат мухофазаси қоидалари ва меъёрларига риоя қилишини назорат 
қилиш, бошқа бўлим раҳбарларига аниқланган камчиликларни бартараф 
этиш ҳақида ёзма кўрсатма бериш, корхона раҳбарига меҳнат мухофазаси 
қонунини узлуксиз бузаётган ходимларни жавобгарликка тортиш бўйича 
таклифлар киритиш ҳуқуқига эга. Улар мансаб вазифаларига тааллуқли 
бўлмаган ишларга жалб қилиниши мумкин эмас. Мазкур “Хизмат”лар 
корхона фаолияти тугатилгандагина бекор қилинади. 
Меҳнат мухофазасини ўқитиш ва билимларни текшириш 
Корхоналарда ишловчиларнинг ҳаммаси. Жумладан раҳбарлари ҳам 
меҳнат мухофазаси бўйича, Давлат назорати органлари белгилаган тартиб ва 
муддатларда ўқиши, йўриқномадан ўтиши, билимлари текширилиши ва 
аттестациядан қайта ўтишлари шарт. 
Йўриқномалар турлари 
Меҳнат мухофазаси бўйича йўриқнома кириш ва иш жойидаги 
турларга бўлинади. Кейингиси, ўз навбатида , бирламчи, даврий ва навбатдан 
ташқари турга бўлинади.