Ўзбекистон республикаси олий ва ўрта махсус таълим вазирлиги алишер навоий номидаги

НУКЛЕИН КИСЛОТАЛАР.  Тирик организмларда ирсий белгиларнинг 
наслдан-наслга ўтиши ва оқсилларнинг биосинтези каби жараёнлар нуклеин 
кислоталарнинг фаолияти билан боғлиқ. Улар дастлаб ҳужайра ядросидан 
ажратиб олинганлиги сабабли нуклеин (нуклеос-ядро) дейилган. Иккита 
группага бўлинади, ДНК (дезоксирибонуклеин кислотаси) ва РНК ( 
рибонуклеин кислотаси). 
Нуклеин кислоталар айниқса ўсимликларнинг ёш ва метаболитик актив 
органларида кўп бўлади. Жумладан ўсимликларнинг репродуктив ҳужайралари 
таркибида энг кўп учрайдиган кўкнор уруғпалласида 4,6 - 6,2 % ,кедр 
ёнғоқининг мағзида - 6,8% ва кўпчилик ўсимликларнинг барги ва поясида 0,1-
1% гача ) . 
Дезоксирибонуклеин кислотаси барча тирик организмлардаги ҳужайра 
ядросида жойлашган. Хлоропласт ва митохондрияларда ҳам мавжудлиги 
аниқланган. ДНК нинг молекуляр оғирлиги жуда катта-бир неча ўн миллиондан 
юз миллионгача етади. Унинг молекуласида азот асосларидан аденин, гуанин, 
цитозин, тимин, углевод компонентларидан дезоксирибоза ва фосфат кислота 
бор ( 9- расм).

---

24
9 расм Нуклеин кислоталарининг қисқача структуравий тузилиши 
Рибонуклеин кислоталар ҳужайранинг ҳамма қисмида учрайди.Уларнинг 
асосий қисми рибосомаларда тўпланган. Ҳужайраларда асосан уч хил РНК 
мавжуд: 1) Рибосома РНК (р-РНК) рибосомаларда тўпланган бўлади. 
Молекуляр оғирлиги 1,5 - 2 млн га тенг. Ҳужайрада оқсиллар билан бириккан 
ҳолда учрайди. Умумий РНК нинг 800 га яқинини ташкил этади. 2) Транспорт - 
РНК ( т - РНК ) - яъни ҳар бир аминокислотани оқсил синтез қилинувчи жойга 
ташиш вазифасини бажаради. Молекуляр оғирлиги 25-35 мингга тенг. Умумий 
РНКнинг 15% ташкил этади. 3) Информацион РНК ( и - РНК ) - ядрода синтез 
қилинади. Буларнинг асосий вазифаси ядродаги ДНК молекуласидаги 
информацияни рибосомаларга, яъни оқсил синтез қилинадиган жойга олиб 
боради. Умумий РНК нинг 5% ташкил этади. Молекуляр оғирлиги 1 миллионга 
тенг. 
Рибонуклеин кислоталарнинг кимёвий тузилиши ҳам ДНК никига ўхшаб 
кетади. Фақат РНК таркибида тимин ўрнида урацил дезоксирибоза ўрнида 
рибоза жойлашган ( 9 - расм ).

---

25