Ўзбекистон республикаси олий ва ўрта махсус таълим вазирлиги алишер навоий номидаги самарқанд давлат

Мустақил ўрганиш учун саволлар: 
1. Информатика фани нимани ўрганади? 
2. Ахборот нима ва унинг бирликлари? 
3. Мактабда информатика ва ҳисоблаш техникаси кандай тартибда 
ўрганилади? 

---

4. "Информатика ва хисоблаш техникаси асослари" фанининг мақсад 
ва вазифалари нималардан иборат? 
5. Алгоритм сўзининг келиб чиқиш тарихи ҳақида гапириб беринг. 
6. Алгоритмнинг қандай хоссалари мавжуд? 
7. Қандай алгоритмик тиллар мавжуд? 
8. Дастурлаш тиллари ҳақида нималарни биласиз? 
6. Матн муҳаррири ва график муҳаррирлари бажарадиган қандай 
амаллар мавжуд? 
7. Компьютернинг ҳаётий масалалар ечишга тадбиқларига мисоллар 
келтиринг. 
 
ЎН БЕШИНЧИ МАЪРУЗА 
Мавзу: Мактабда информатика асосий тушунчалари ва операцион 
системаларни ўрганиш 
1. Информатика асосий тушунчалари. 
2. Янги операцион системалар ва уларни ўрганиш хусусиятлари.
3. Информатика дарсларида ўқувчиларда компьютер билан ишлаш 
кўникмаларини шакллантириш.
Таянч иборалар: информатика, информатика тушунчалари, дастурлаш, 
операцион системалар., технологиялар, уларнинг қўлланилиши, ЭҲМ лар 
билан мулоқот қила олиш кўникмаларини шакллантириш.
1.Мактабда ўрганиладиган “Информатика ва ҳисоблаш техникаси 
асослари” фанини ўқитишда асосий тушунчалар: дастур, дастурлаш., 
алгоритм, операцион система, технология. Бу тушунчаларни 
шакллантиришда асосий эътибор қуйидагиларга қаратилиши мумкин: 
1. ўқувчиларга алгоритм ва унинг хоссалари ҳақида билимлар бериш; 
2. ўқувчиларга дастур ва дастурлаш тиллари ва уларнинг тузилиши ҳақида 
тегишли маълумотлар бериш; 
3. ўқувчиларни дастурлаш амалий кўникма ва малакалари билан 
қуроллантириш; 
4. компьютерлар ва улардан турли ахборот манбалари ва уларнинг 
тузилиши ҳақида мос тушунча ва қоидаларни баён этиш; 
5. янги операцион системалар ва уларнинг қўлланилиши ҳақида кўникма ва 
малакаларни шакллантириш.
Бундан ташқари, информатика асосий тушунчаларини эгаллашда назария 
ва амалиётнинг узвийлиги бўлиши асосий мезон бўлиши лозим. Бунга 
сабаб ҳозирги замон ахборот технологияларини эгаллаш ва уларни қўллаш 
ёшлардан унинг назарий асослари билан бирга компьютер технологияси
маълумотлари билан амалий жиҳатдан қуролланишни талаб этади. Шу 
сабабдан мактаб информатика дарсларида дастур ва уни туза олиш, 
компьютерда ишлай олиш кўникмаларини эгаллаш учун унинг тиллари, 
асосий тушунчалари, қоидалари билан яқиндан танишишни талаб этади. 

---

Энг асосий тушунчалар қаторига ахборот, алгоритм, дастур, дастурлаш 
тиллари, операцион системалар, янги технологиялар бўлиб, уларни 
ўқувчиларга ўргатишда асосий диққат-эътибор тушунчалар мазмуни, 
хоссалари, қўлланилиши соҳалари, информатика фанида тутган ўрнини 
аниқлаб беришдан иборат. Бунда ўқитувчи қуйидаги ўқитиш услубларидан 
фойдаланиши мумкин: 
- тушунчалар мазмуни ва кулланилиш сохаларини намоён этувчи мисоллар 
келтириш ва уларни компьютер асосида мустахкамлаш ва шу асосда 
амалий куникмаларни шакллантириш; 
- асосий тушунчалар ва уларнинг ўқув қўлланмаларидаги тавсифи асосида 
ўқувчиларга услубий ёрдам бериш ва бунга таалуқли машқ ва масалаларни 
таклиф этиш; 
- ўқувчиларга информатика асосий тушунчалари моҳиятини кўрсатувчи 
зарур тушунтиришлар ва амалий ишларни системали янги компьютерларда 
олиб бориш имкониятларини топиш; 
-информатика ва ҳисоблаш техникаси фани тадбиқларини асосий 
тушунчалар мисолида кўрсатиб бериш ва бунинг учун тест, машқ-саволлар 
ва амалий машғулот, лаборатория ишларидан кенг фойдаланиш. 
2. Информатика дарсларида янги операцион системаларни ўқитиш ҳозирги 
давр талабидир. Шунинг учун ҳар бир дарсда бу системаларнинг мохияти, 
мазмуни ва қўлланилиши соҳалари тўғрисида зарур маълумотлар билан 
таништириш ва шу асосда компьютер технологияси тадбиқларини 
кўрсатиш имкониятлари мавжуд
Ҳозирги имкониятлар ва ўқув моддий базани ҳисобга олган ҳолда бу 
системаларни ўрганиш хусусиятлари қуйидагилардан иборат: умуман 
операцион система тушунчаси, унинг моҳияти, қўлланилиши очиб 
берилиши лозим; янги операцион системаларнинг турмушда қўлланилиши 
имкониятларини тавсифлаб бериш; системаларнинг имкониятлари 
ёрдамида турли хил масалаларни ҳал килиш усулларини ўргатиш. 
Бунда асосий хусусиятлардан бири операцион системалар 
қўлланилиши мисоллар асосида ва компьютер асосида кўриб чиқиш 
ўқувчиларнинг бу системалар моҳиятини ўрганишга имкон беради. 
3. Ўқувчиларни информатика дарсларида компьютер билан ишлаш 
кўникмаларини шакллантириш асосий вазифалардан ҳисобланади. Бунда
қуйидаги жиҳатлар асосий аҳамият касб этади: