Ўзбекистон республикаси олий ва ўрта махсус таълим вазирлиги абу райхон беруний номидаги

1.1-жадвал
Дунё мамлакатларида нефть қазиб чиқаришнинг ўсиш кўрсаткичлари

Мамлакатлар, қитъалар	Нефть қазиб чиқарилган йиллар ва миқдори
	1900	1910	1920	1930	1940	1950	1960	1970	1980	1990	2000
1	2	3	4	5	6	7	8	9	10	11	12
Шимолий Америка	8,467	28,67	60,58	123,2	186,5	274,3	370,7	556,4	859,9	898,7	-
АҚШ	8,334	28,63	60,55	123,0	185,4	270,3	345,0	474,2	682,2	443	291,2
Канада	0,113	0,043	0,026	0,02	1,7	3,97	25,7	60,36	60,9	99,7	100,0
Мексика									105,8	156,0	152,5
Венесуэла			0,6	18,69	25,34	74,8	151,0	193,2	112,8	119,0	152,0
Яқин ва Ўрта Шарқ			1,57	6,39	14,16	87,8	268,6	692,9	852,8	898,5	109,0
1	2	3	4	5	6	7	8	9	10	11	12
Саудия Арабистони					0,69	27,4	61,5	179,8	496,3	410,0	403,2
Эрон			1,67	6,27	9,08	33,2	52,0	197,7	76,0	166,0	178,4
Ироқ				0,12	3,31	6,81	48,0	76,8	132,6	15,1	159,1
Қувайт						17,22	84,0	137,3	83,4	9,4	80,7
Ливия								159,2	85,9	76,6	70,4
Нигерия							0,8	53,42	101,8	97,3	99,6
Индонезия	0,425	1,6							78,5	78,8	69,0
Буюк Британия									80,5	93,1	126,9
Норвегия									24,4	93,5	160,8
Хитой									106,1	139,0	169,8
Россия	9,927	9,6	3,8	18,4	31,1	37,8	148,0	358,0	603,2	515,0	317,6
Ўзбекистон	-									1,247	7,570
Дунё бўйича	19,8	44,78	93,5	220,0	294,0	520,0	1154	2267	3082	3225	3455,0

2 БОБ. НЕФТЬ, ТАБИИЙ ГАЗЛАР ВА ГАЗОКОНДЕНСАТЛАР
2.1. Нефть, газ, газоконденсатлар ва уларнинг хоссалари

Нефть ва газ геологияси фани олдида турган асосий вазифалардан бири нефть уюмининг ички тузилишини, шунингдек нефть қатламининг газ, конденсат ва сувга тўйинганлигини ўрганишдир.

Нефть, газ ва газоконденсатлар углеводород аралашмаларидан иборат бўлиб, таркиби асосан углерод ва водород элементларидан таркиб топган.
Табиий шароитда углеводородлар ўзининг физик ҳолати бўйича; СН₄ дан С₄Н₁₀ гача газлар, С₅Н₁₂ дан С₁₆Н₃₄ гача суюқликлар, С₁₇Н₃₆ дан С₅₆Н₁₁₄ гача қаттиқ углеводородлардан иборатдир. Қаттиқ ҳолатдаги углеводородлар парафин, церезин каби моддаларни ташкил қилади.
Нефтнинг кимёвий ва изотоп таркибини ўрганиш, ер қаърида унинг кимёвий жараёнлар таъсирида ўзгаришини тушуниш учун аҳамиятлидир.
Нефтни текшириш давомида қўйидагилар аниқланади:
- нефтнинг кимёвий элемент таркиби;
- гуруҳли таркиб, яъни нефтнинг турли синф ёки гуруҳ бирикмалари;
-бирикмаларнинг индивидуал кимёвий таркиби ва нефтнинг изотоп таркиби йиғиндисидан иборатдир.
Углеводородларнинг қайси қаторда кўп ёки озлигига қараб, уларни таснифи тузилган. Қуйида нефтнинг углеводород таркибига қараб гуруҳли таснифи берилган. Бу таснифга асосан нефть олтита синфга бўлинади:
1) метанли (Ме); 2) нафтенли-метанли; 3) нафтенли (Na); 4) метанли-нафтенли-ароматик; 5) ароматик-нафтенли; 6) ароматик (Аr).
Олтинчи синфдаги нефть табиатда кам учрайди.
Нефть шамол таъсирида секин-аста таркибидаги енгил буғланадиган углеводородлар йўқолади. Натижада уларнинг ўрнини смола ва асфальтенли бирикмалар эгаллайди ва уларнинг миқдори ортади. Бурғулаш жараёнида смолали бирикмаларининг зичлашиши, оксидланиши ва қаттиқ массага айланиши мумкин. Бундай ўзгаришлар натижасида мальталар ҳосил бўлади.
Малъта-қуюқ, ёпишқоқ, кислород ва олтингугуртга бой модда бўлиб, қора нефтга ўхшайди, зичлиги бирга яқин, баъзида ундан ҳам ортиқ. Кейинчалик ўзгариши натижасида у асфальтга айланади.
Парафинли нефтлардан озокерит минерали ҳосил бўлади. У ташқи кўринишидан асал арининг мумига ўхшайди, шунинг учун кўпинча тоғ муми ёки минерал мум дейилади.
Озокерит-асосан қаттиқ, қисман суюқ ва газ ҳолатидаги парафин қаторидаги (С_nН_2n+2) углеводородлар аралашмасидан иборат.
Уни қуруқ ҳайдаш натижасида қуйидаги миқдорда (%) маҳсулот олиш мумкин: бензин-3,67÷4,32%; керосин-5,67÷23,63%; парафинлар-56,84÷82,33%; смола-2%; газ ва кокс-6%. Озокерит кимёвий таркиби жиҳатидан парафинли нефть таркибига яқин: углерод 84,0÷86,0% ни, водород 13,7-15,3% ни ташкил қилади.
Агарда озокеритни таркибида асфальтенли бирикмалар бўлса, унда кислороднинг микдори 4÷5% га етади. Озокерит таркибидаги суюқлик ва газлар миқдорига қараб қаттиқ, мўртдан то мойсимонгача бўлиши мумкин. Унинг зичлиги 0,90÷0,94 г/см³ гача ўзгаради. Озокерит сувда эримайди, аммо ҳар хил смола, бензин, нефть, хлороформда яхши эрийди. Эритмаси яшил рангли флуоресценция (нурлантирилганда ялтираб кўринади) беради. Озокерит яхши диэлектрик хусусиятига эга, тез ёнади ва ёрқин тутунли аланга беради.
Озокеритдан саноатда қимматбаҳо маҳсулот-церезин олинади. Церезин озокерит ёки нефтдан олинган қаттиқ углеводороддир. Уни формуласи С₃₇Н₇₆ дан С₅₃Н₁₀₈ гача. У ёмон кристалланади, одатда аморф ёки майда кристалл ҳолида бўлади. Ўзбекистонда озокерит кони Фарғона водийсида Шўрсув майдонида эоцен қатламларида очилган. Дунёда энг катта озокерит кони Борислав конидир. Бундан ташқари Фарғона водийсида Мойлисойда, Байкал кўли атрофида, Шимолий Кавказда (Майкоп районида), Грузиянинг Лехидари шаҳрида, АҚШ нинг Юта ва Техас штатларида, Мексиканинг Чихуахуа шаҳрида, Венгриянинг Пенора майдонида, Руминиянинг Славники ва Цитризини конлари атрофида очилган.
Кимёвий таркиби жиҳатдан озокеритга яқин ва унга ўхшаш минераллар тошкўмир конларида учрайди. Буларга мойсимон, ярим суюқлик ҳолатидаги хризматит минерали мисол бўла олади. У Саксония (Германия)кўмир конларида топилган. Англия ва Венгриядаги кўмир конларида Уриетит минерали топилган. Табиатда аниқ кристалл тузилишга эга бўлган минералогик бирикма кўринишида парафин учрайди, уни гатчетитлар дейилади. Гатчетитлар Польша, Венгрия, Англия, Бельгия ва бошқа мамлакатларда учрайди.
Нефть ва ёпишқоқ битумлар гуруҳига нафтоидлар ҳам киради.
Нафтоидлар деб отқинди (маматик) тоғ жинсларида учрайдиган нефтсимон томчи суюқликларга айтилади. Генетик жиҳатдан органик моддали Локал термик жараёнда қайта ҳайдалганда ҳосил бўлади. Нафтоидлар кенг тарқалган бўлишига қарамай амалий аҳамиятга эга бўлмаган кам микдорда учрайди. Улар Грузияда, Болгарияда, Скандинавия ярим оролларида, Жанубий ва Шимолий Америкада ва бошқа жойларда мавжуд.
Парафинли углеводородлар ёки алканларнинг умумий формуласи – С_nН_2n+2. Булар тўйинган углеводородлар ҳам дейилади. Алканлар нормал тузилишга (мисол учун СН₃–СН₂–СН₂–СН бутан) ва тармоқланган тузилишга (масалан: изо-бутан эга бўладилар.
Оддий аъзолари ўз молекуласида бирдан бешгача углерод атомидан ташкил топган углеводородлар нормал ҳароратда газ ҳисобланади. Углеводородларнинг бешдан ўн бешгача углерод атомидан ташкил топганлари суюқ ва ундан юқорилари қаттиқ ҳолатда бўладилар.
Парафин - метан - алкан - тўйинган углеводородлар вакили.
Парафинли утлеводородлар реакцияга жуда кам киришиши билан ажралиб туради, кимёвий жиҳатдан турғун. Нафтенли (полиметилен) углеводородлар ёки циклоалканлар.
Умумий формуласи С_nН_2n, углерод атоми ўз циклига учта ёки кўпроқ метилен гуруҳларини бириктириб олиши мумкин. Нефтларда углеводородларнинг С₅ ва С₆ циклли тузилмалари кенг тарқалган.
Ўзларининг кимёвий хусусиятлари бўйича нафтенли углеводород алканларга яқин. Нафтенли углеводородларнинг муҳим хусусиятларидан бири, уларнинг изомерланиш хусусиятига эгалигидир. Каталитик ва термик жараёнлар таъсирида олти аъзоли цикллар тизими беш аъзолига осон ўтади. Масалан: циклогексанни метилциклопентанга ўтиши шулар жумласидандир.