Ўзбекистон республикаси олий ва ўрта махсус таълим вазирлиги абу райҳон беруний номидаги тошкент давлат техника университети

Скважина-заряд усули (2.1–расм,а) қўлланганда портловчи модда (ПМ) заряди диаметри 75-400 мм, чуқурлиги 5-30 м (айрим ҳолларда 50 м. гача) бўлган скважиналарга жойлаштирилади. Бу усул карьерларда олиб бориладиган портлатиш ишларига қўйиладиган талабларга кўпроқ мос келади (жавоб беради).
Қозонсимон заряд усули (2.1 – расм, б) қўлланганда катта миқдордаги портловчи модда заряди (400-2000 кг) скважинанинг остки қисми махсус бурғулаш снаряди ёки кичик ҳажмдаги ПМ зарядини портлатиш

2.1-расм Карьерларда портлатиш ишларини олиб боришда қўлланиладиган заряд турлари: а-скважин заряди; б-қозонсимон заряд; в-шпур заряди; г, д-мос равишда шурф ва штольня камера зарядлари; е- устқўйма заряд. 1- ПМ заряди; 2-тиқин; h_y – поғона баладлиги; W – поғона ости бўйича қаршилик чизиғи.
асосида кенгайтирилган, қозонсимон кўринишга эга бўлган скважинага жойлаштирилади. Бу усул скважинага катта ҳажмдаги ПМ зарядини жойлаштириш мумкин бўлмаган, скважина остки қисми қийин портлайдиган жинслардан ташкил топган холларда ва баланд поғоналарни портлатишда, шунингдек тоғ ёнбағриларида яримтраншеялар ўтишда қўлланилади.
Шпур-заряди усули (2.1 – расм, в). Бу усулда портловчи модда заряди диаметри 75 мм гача, чуқурлиги 5 м гача бўлган шпурларга жойлаштирилади. Портлатиш ишлари ҳажми кичик, турли навдаги рудаларни саралаб қазиб олиш, юқори қийматга эга бўлган фойдали қазилмаларни қазиб олиш, ногабаритларни иккиламчи майдалаш, поғона ишчи майдонидаги тўсиқларни йўқотиш, поғоналар қиялик текислигини таъминлаш каби ишларни бажаришда бу усулдан кенг фойдаланилади.
Камера-заряди усули (2.1 – расм, г,д). Бу усул жуда катта массага эга бўлган (бир неча тоннадан юз тонналаргача) портловчи модда зарядини махсус тайёрланган камераларга жойлаштиришини кўзда тутади ва тоғлик рельефга эга бўлган жойларда массивни бир йўла қўпориб ташлаш, траншеялар барпо этиш, котлованлар, тўғонлар ҳосил қилиш каби ишларни бажаришда қўлланади.
Устқўйма-заряд усули (2.1–расм, г). Ногабаритларни иккиламчи майдалаш ва қийин шароитларда ёрдамчи ишларни бажаришда қўлланади. Бу усулда портловчи модда заряди майдаланиши лозим бўлган жинс бўлаги (объекти) устига жойлаштирилади.