Ўзбекистон республикаси олий ва ўрта ма

MapInfo дастури ахборот-маълумотнома туркумидаги шахсий ГИС ҳисобланади.
Юқоридаги қайд этилган имкониятлардан келиб чиқиб, MapInfo Географик ахборот тизимида мўъжиза яратса бўлар экан, деган фикр пайдо бўлади, чунки асосий картага тайѐрланган қатламни қўшсак сўралган заҳоти — ―Карта тайѐр‖, деган жавоб чиқади! Лекин, картани тайѐрлаш жараѐнида қандай технологиялар танланилишидан қатъий назар, жиддий тайѐргарлик ишлари олиб борилиши керак.

5.2. Дастлабки маълумотларни ГИС учун тайѐрлаш

Картани тузишга киришишдан аввал, мутаҳассис натижа қандай бўлишини аниқ тассавур қилиши, картанинг масштаби, унда қанча ҳудуд акс эттирилиши, қайси элементлар асосий ва қайсилари иккинчи даражали, батафсиллик даражаси қандай, жараѐнларни кўрсатиш қайси материаллар асосида бажарилиши, ҳудуднинг хусусияти ва ҳ.к. аниқ билиши керак, акс ҳолда карта тузишни тасаввур қилиш қийин.

Шунинг учун MapInfo дастурида карта тузилаѐтганда, редактор томонидан катта таҳририй тайѐргарлик ишлари бажарилади. Айнан у ҳамма юқорида келтирилган саволларни ўрганади ва карта дастурида ѐки редакцион кўрсатмалар ҳужжатларида қайд этади. Бундай ҳужжатларнинг мазмуни, таркиби, уларга қўйиладиган талаблар «Карташунослик, Умумгеографик карталарни лойиҳалаш ва тузиш, Табиий карталарни лойиҳалаш ва тузиш» ва бошқа курсларда батафсил баѐн этилганлиги сабабли, услубий қўлланмада

редакторлик ишлари жараѐни кўриб чиқилмаган. Бундан ташқари, MapInfo дастурида ГИСни ҳосил қилишда зарур бўлган ―Картография‖ фанининг назарий асослари ва мавзули карталарни тузишнинг "қоғозли" технологияси, талаба томонидан етарли даражада ўзлаштирилган ва қайтаришнинг ҳожати йўқ, деб ўйлаймиз.

ГИС-технологиясида карталарни тузишда маълумотлар рақамли кўринишга келтирилади. Рақамлаш 2 хил усулда — махсус мосламалар ѐрдамида картографик материалларни сканирлаш ва дигитализация қилиш, сўнгра векторли кўринишга келтириш, ѐки растрли маълумотларни векторлаш йўли билан амалга ошади.