Ўзбекистон республикаси олий ва ўрата махсус таълим вазирлиги солиқ академияси

4. Ishsizlik va uning turlari. Ishsizlik darajasini aniqlash.
Iqtisodiyotning barqarorligi va sog’lomligini aks ettiruvchi ko’rsatkichlardan biri ishsizlik darajasi hisoblanadi. Biroq, har qanday mamlakatda doimiy ravishda ma’lum darajada ishsizlik mavjud bo’ladi. Umuman olganda, mehnatga layoqatli bo’lib, ishlashni xohlagan, lekin ish bilan ta’minlanmaganlar ishsizlar deyiladi. Namoyon bo’lish xususiyati va vujudga kelish sabablariga ko’ra ishsizlik frikstion, tarkibiy, stiklik, institustional, texnologik, regional, yashirin va turg’un ishsizlik turlariga bo’linadi.

Kishilar turli sabablar (yangi yashash joylariga ko’chib o’tish, ishining mazmuni va tavsifi yoqmay qolishi, nisbatan yuqoriroq ish haqi olishga intilish va boshqalar)ga ko’ra o’z ishlarini almashtirib turadilar. Biroq, bir ishdan bo’shab, boshqa biriga joylashgunga qadar orada ma’lum vaqt o’tadi (ba’zi adabiyotlarda bu muddat 1 oydan 3 oygacha davom etishi ko’rsatiladi). Aynan shu vaqt oralig’idagi, ya’ni bir ishdan bo’shab yangi ishga joylashgunga qadar bo’lgan davrdagi ishsizlik frikstion (oraliq) ishsizlik deyiladi.

Ma’lumki, iqtisodiyotning rivojlanishi bilan uning tarkibida turli o’zgarishlar ro’y beradi. FTT, yangi texnologiyalarning ishlab chiqarishga qo’llanishi natijasida ba’zi bir tarmoq va soha mahsulotlariga bo’lgan talab qisqarib, zamonaviy mahsulot turlariga talab o’sadi. Bu esa yal’i ishchi kuchi tarkibida ham ma’lum o’zgarishlarning ro’y berishini taqozo etadi. Natijada ba’zi bir kasb yoki mutaxassislik turlaridagi ishchilarga talabning qisqarishi yoki umuman yo’qolishi ularning o’z kasb va mutaxassisliklarini o’zgartirish yoki shunday kasblarga talab saqlanib qolgan joylarga ko’chib o’tishga majbur qilib qo’yadi. Ular yangi kasb va mutaxassislikni o’zlashtirib yoki boshqa joyga ko’chib o’tib, yangi ishga joylashgunga qadar bo’lgan ishsizlik tarkibiy ishsizlik deb ataladi. Tarkibiy ishsizlik frikstion ishsizlikka qaraganda uzoqroq davom etadi hamda ko’’roq ma’lum xarajatlarni taqozo etadi. Uning uzoq muddat (odatda 6 oydan ko’’roq) davom etishi yangi kasb turini o’zlashtirish yoki malaka oshirish bilan, ma’lum xarajat talab qilishi esa, eski kasb turi bilan shug’ullanish istagi saqlanib qolgan holda, yashash joylarini o’zgartirish bilan bog’liq bo’ladi.

Frikstion va tarkibiy ishsizlik, iqtisodiyotdagi rivojlanish har qanday holatidan qat’iy nazar, ma’lum darajada barcha mamlakatlarda mavjud bo’ladi. Shunga ko’ra, frikstion va tarkibiy ishsizlik birgalikda ishsizlikning tabiiy darajasini tashkil qiladi.