Ўзбекистон Республикаси Олий Мажлиси Сенати Халқ депутатлари маҳаллий Кенгашлари котибиятлари фаолиятини самарали ташкил этиш масалалари бўйича услубий

Котибиятнинг асосий вазифалари

Котибият маҳаллий Кенгаш фаолиятини ташкил қилиш учун унинг доимий асосдаги ишчи органи сифатида фаолият олиб боради.

Котибият маҳаллий Кенгашнинг Ўзбекистон Республикаси Конституциясида, “Маҳаллий давлат ҳокимияти тўғрисида”ги Қонунда ва бошқа қонунларда, Ўзбекистон Республикаси Президентининг фармон ва қарорларида, Ўзбекистон Республикаси Олий Мажлиси палаталарининг қарорларида белгиланган ваколатлари амалга оширилишини таъминлайди.
Котибият ўз фаолиятини маҳаллий Кенгаш раиси ҳамда Котибият мудири раҳбарлигида амалга оширади, Котибиятнинг асосий вазифалари Ўзбекистон Республикаси Олий Мажлиси Сенати Кенгаши томонидан тасдиқланган намунавий низомда белгилаб берилган.

Маҳаллий Кенгаш фаолиятини ахборот-таҳлилий, ҳуқуқий,
ташкилий ва бошқа жиҳатлардан таъминлаш

Маълумки, бугунги кунда республикадаги барча вазирлик ва идоралар ҳамда маҳаллий ҳокимликларнинг веб-сайтлари мавжуд бўлиб, “Давлат ҳокимияти ва бошқарув органлари фаолияти очиқлиги тўғрисида”ги қонун талаблари асосида иш юритади.

Котибият ушбу веб-сайтларни, расмий ахборот манбаларини, ижтимоий тармоқларни мунтазам равишда кузатиб бориши ҳамда улардаги зарур маълумотларни, хусусан, қонунчиликдаги янгиликларни маҳаллий Кенгаш депутатларига хизмат доирасида фойдаланиш учун ёки маълумот учун электрон тарзда тақдим этишни йўлга қўйиши мақсадга мувофиқ.
Шунингдек, Котибият маҳаллий ҳокимлик котибиятлари, гуруҳлари, бошқарма ва бўлимларидан тегишли ахборотларни, соҳа бўйича қонунчиликдаги ўзгаришларга доир шарҳларни олиши ҳам мумкин.
Маълумот учун:
ташкилий масалалар – маҳаллий Кенгаш сессиялари, доимий комиссиялар мажлислари, депутатлар билан учрашувларни, ўқув-семинарлар ўтказиш, қарорлар ва хатлар ижросини ташкил этиш, депутатларга оид маълумот ва ҳужжаатларни тайёрлаш жараёни;
техник масалалар – маҳаллий Кенгаш иш ҳужжатларини чоп этиш, кўпайтириш, депутатларга етказиш, ахборот-коммуникация технологиялари орқали ахборот алмашинувини йўлга қўйиш, депутатларнинг хизмат сафари билан боғлиқ масалаларни ҳал этиш, депутатларга зарур ахборотларни етказиш учун ижтимоий тармоқлардан фойдаланишни йўлга қўйиш.