Ўзбекистон Республикаси Олий Мажлиси Сенати Халқ депутатлари маҳаллий Кенгашлари котибиятлари фаолиятини самарали ташкил этиш масалалари бўйича услубий

қарамоғида бир ва ундан ортиқ I ёки II гуруҳ ногиронлиги бўлган болалари мавжуд ёлғиз аёллар;
тиббий ҳимояга муҳтож эҳтиёжманд аёллар (ўзи ва биргаликда яшовчи оила аъзолари оғир ижтимоий вазиятда бўлган, сурункали ёки оғир ногиронликка олиб келувчи касалликка чалинган, ногиронлик гуруҳи белгиланмаган, етарли даромад манбаига эга бўлмаган аёллар);
ҳуқуқий ёрдам олишга муҳтож аёллар (ҳуқуқий маслаҳат олиш истагида бўлган, ҳуқуқлари ва қонуний манфаатлари бузилганлиги тўғрисида мурожаат қилган аёллар);
психологик маслаҳатга муҳтож аёллар (тазйиқ ва зўравонликдан жабрланган, ижтимоий муаммолари мавжуд аёллар).
II. “Аёллар дафтари”га киритиладиган хотин-қизлар рўйхати ва уларнинг муаммоларини бартараф этиш бўйича “Йўл харитаси”ни тасдиқлаш.
Маҳаллий Кенгашнинг “Аёллар дафтари”га киритиладиган хотин-қизлар рўйхати ва уларнинг муаммоларини бартараф этиш бўйича “Йўл харитаси”ни тасдиқлаш масаласига доир сессияси бошқа сессиялар каби “Маҳаллий давлат ҳокимияти тўғрисида”ги қонуннинг 17-моддасига қатъий риоя этилган ҳолда ташкил этилиши зарур.
Сессияда “Аёллар дафтари”га киритиладиган хотин-қизлар рўйхати ва “Йўл харитаси” бўйича сектор раҳбарлари, маҳалла ва оилани қўллаб-қувватлаш бўлими раҳбарининг ҳисоботи муҳокама қилингандан кейин Кенгаш қарори билан тасдиқланади ҳамда ижрога йўналтирилади.
Кенгаш қарори билан тасдиқланган рўйхат бўйича ҳар бир депутат ўзи сайланган ҳудудда яшовчи ёрдамга мужтож хотин-қизларнинг муаммолари ҳал этилиши устидан депутатлик назоратини олиб боради.
Шунингдек, Кенгаш томонидан қабул қилинган қарор иловалари билан биргаликда жамоатчилик назорати учун маҳаллий ҳокимликнинг расмий веб-сайтида эълон қилиниши мақсадга мувофиқ.
III. “Аёллар дафтари”га киритилган хотин-қизларни мазкур рўйхатдан чиқариш
Секторлар раҳбарлари, маҳалла ва оилани қўллаб-қувватлаш бўлими раҳбари “Аёллар дафтари”дан чиқариш юзасидан таклифларни маҳаллий Кенгаш муҳокамасига киритади.
Депутатлар томонидан рўйхатдан чиқариш учун киритилган хотин-қизларнинг оилавий шароити албатта ўрганилиши зарур. Бунда, ушбу аёл билан бевосита мулоқот олиб бориш ёки жойига чиқиб ўрганиш лозим.
“Аёллар дафтари”га киритилган хотин-қизлар уларнинг мавжуд муаммолари ёки муаммоли масалалари тўлиқ ҳал этилгандан кейингина Кенгаш қарори билан рўйхатдан чиқарилиши керак.
Агарда тасдиқланган “Йўл харитаси” доирасида белгиланган тадбирлар амалга оширилмаган бўлса, яъни рўйхатдаги хотин-қизларнинг муаммолари тўлиқ ҳал этилмаган бўлса ушбу аёлларни рўйхатдан чиқармаслик лозим.
Бу борадаги барча масъулият депутатларнинг зиммасида ҳисобланади.