Ўзбекистон Республикаси Олий Мажлиси Сенати Халқ депутатлари маҳаллий Кенгашлари котибиятлари фаолиятини самарали ташкил этиш масалалари бўйича услубий

I. “Аёллар дафтари”га киритиш учун тақдим этилган рўйхатдаги хотин-қизларнинг адолатли тарзда танланганлигини таъминлаш.
Маълумки, маҳаллий Кенгаш қарори билан тасдиқлаб бериш мақсадида сектор раҳбарлари томонидан “Аёллар дафтари”га киритиш учун маҳаллалар кесимида ёрдамга мужтоҳ хотин-қизлар рўйхати киритилади.
Киритилган рўйхатлар асосида ҳудуддан сайланган депутатлар, зарур ҳолда, маҳалла раислари иштирокида ҳар бир хотин-қизнинг рўйхатга тўғри киритилганлигини аниқлаши лозим, тўла ишонч ҳосил қилинмаган ҳолларда ушбу оиланинг ҳақиқий аҳволини жойига чиқиб ўрганиш мақсадга мувофиқ.
Рўйхатга нотўғри киритилган аёлларни рўйхатдан чиқариш бу борада депутат назорати йўлга қўйилганлигини кўрсатиш билан бир қаторда, бошқа фуқароларда турли шубҳа-гумонлар туғилишининг олдини олишга, демакки, аҳолининг депутатга нисбатан ишончи янада ортишига хизмат қилади.
Шу боис рўйхатдаги хотин-қизларни ўрганишда уларнинг 30 ёшдан ошган бўлишига ҳамда қуйидаги тоифалардан бирига киришига эътибор қаратиш зарур:
ижтимоий ҳимояга муҳтож ишсиз аёллар (бандлиги таъминланмаган, ишлаш истагида бўлган, даромад манбаига эга бўлмаган, шу жумладан меҳнат қилиш қобилиятини қисман йўқотган, бироқ ишлаш иштиёқи бўлган аёллар);
боқувчисини йўқотган эҳтиёжманд аёллар (боқувчиси бўлмаган, қўшимча моддий ёрдамга муҳтож аёллар);
ижтимоий ёрдамга муҳтож I ва II гуруҳ ногиронлиги бўлган аёллар (меҳнатга қобилиятсиз, ўзгалар парваришига муҳтож аёллар);
уй-жойини таъмирлашга муҳтож I гуруҳ ногиронлиги бўлган аёллар (меҳнат қилиш қобилиятини бутунлай йўқотган, ёлғиз яшайдиган, уй-жойини таъмирлаш имконияти бўлмаган аёллар);
нотурар жойларда истиқомат қилаётган, ўзининг ёки биргаликда яшовчи оила аъзоларининг номида турар-жой мавжуд бўлмаган аёллар (маъмурий бинолар, ертўлалар ва истиқомат қилиш мақсадларига мўлжалланмаган бошқа биноларда якка тарзда ёки оила аъзолари билан биргаликда яшаётган, шунингдек доимий турар-жойи бўлмаган ҳолда уй-жой шароитини яхшилашга муҳтож аёллар);