Ўзбекистон республикаси мудофаа вазирлиги

32-Расм. Ёқилғи тўкиш асбоби

1-тиргак; 2-резбали қувур; 3-қувур; 24 мм калит

Ёқилғи тўкилиб бўлингандан сўнг, бак ва қобиғ қопқоқларини ёпинг.

Ёзги ёқилғи ўрнига қишки ёқилғи қуйиш вақтида, ёқилғи қуйиб бўлингандан сўнг, ёзги ёқилғи тўлиқ ёниб бўлиши учун двигателни ўт олдириб, 1-3 дақиқа ишлатиб қўйилади.

Мойлаш тизими

Мойлаш тизими мойни сақлаш, уни ишқаланувчи деталлар юзасига етказиш. Уларни емирилишини камайтириш ва қисман иссиқликни олиб кетиш учун мўлжалланган.

Мойлаш тизими циркуляр, ёпиқ комбинирован, ҳўл картерли.
Поддондан 10 (32-расм) мой, мой қабул қилувчи орқали мой насоси секцияларига 12 ва 13 келади; мой сўрувчи секциядан 13 блок деворлари каналлари орқали тўлиқ оқимли мой фильтрига 16 келиб, у ерда иккита фильтрли элемент ёрдамида тозаланади. Кейин мой бош мой магистралидан 17 блок ва цилиндр каллаклари ва тирсакли валнинг илдизли подшипникларига, тақсимлаш вали подшипникларига коромисло втулкаларига ва штанга турткичларининг юқори юзаларига келиб тушади. Тирсакли валнинг шатунли подшипникларига мой илдизли бўйин ички тешикларидан етказилади. Мой олувчи ҳалқа цилиндр деворларидан мойни олиб шатуннинг юқори каллаги подшипниги ва поршень бармоғи ҳалқасини мойлаш учун жўнатади. Олдинги цилиндрлар блоги деворидаги каналлари ва маховик картери орқали мой компрессор 1 подшипникларига босим билан, цилиндрлар блоги орқа девори каналлари эса юқори босимли ёқилғи насоси 2 подшипнигига келиб тушади. Магистраль 17 орқали блок ёнбошида ўрнатилган гидромуфтанинг термокучли датчигига 4 келади ва вентилятор юритмаси гидромуфтасини 5 ишини бошқаради.
Мой насоси радиаторли секциясидан 12 мой марказдан қочма фильтрга 27, радиаторларга 8, мой иссиқлик алмаштиргичга 9 келиб кейин картерга тўкилади. Кран 26 ёпилган ҳолатда бўлса, мой марказдан қочма мой фильтридаги тўкиш клапани 24 орқали картерга тўкилади. Бундай ҳолатда мой радиатор ва мой иссиқлик алмаштиргичдан ўтмайди. Двигателнинг бошқа деталлари сочратиш ва мойли туман ёрдамида мойланади.