давлат харидлари бўйича тендерларни ўтказишда, 2 та ташкилот тенг миқдорда ғолиб бўлганда ғолиблик кичик бизнес субъектларига берилади.
500 млн. сўмгача бўлган қурилиш ва реконструкция ишлари учун танлов фақат кичик бизнес субъектлари орасида ўтказилади;
харидларини эълон қилиш махсус ахборот парталига камида 30 кун олдин киритилади;
300 дан 100 минг АҚШ долларигача миқдордаги ҳаридлар агар Ҳукумат томонидан алоҳида шартлар белгиланмаган бўлса Ўзбекистон Республикаси товар-хомашё биржаси томонидан ташкил этиладиган электрон савдолари орқали амалга оширилади.
Шунингдек, қарорда Ҳукумат комиссиясининг низомини тасдиқлаш вазифаси қўйилган;
Мазкур ҳолатлар юзасидан назорат ишларини ташкил этиш, молия вазирлигининг назорат-тафтиш бош бошқармасига юклатилиб, унинг таркибида “Давлат ҳаридлари бўйича тендер савдоларини ўтказиш устидан назорат қилиш бўлими” ташкил қилинган.
76-савол. Давлат харидлари бўйича Ҳукумат комиссиясининг ишчи органи вазифаларини гапириб беринг ?
Жавоб: Ўзбекистон Республикаси Вазирлар Маҳкамасининг
2011 йил 1 апрелдаги 100-сон қарорининг 1-иловаси билан “Давлат харидлари бўйича Ҳукумат комиссиясининг ишчи органи тўғрисида НИЗОМ”и тасдиқланган.
2-бандга асосан, Ўзбекистон Республикаси Молия вазирлигининг Ғазначилиги ишчи орган ҳисобланади
3-бандига асосан, ишчи органнинг асосий вазифалари ҳисобланади:
давлат харидлари бўйича ахборот базасини яратиш ва доимий равишда янгилаб бориш, давлат харидларини амалга оширишда нархларни шакллантириш жараёнини назорат қилиш;
Давлат харидлари бўйича Ҳукумат комиссиясининг (кейинги ўринларда Ҳукумат комиссияси деб аталади) қонун ҳужжатлари билан унинг ваколатига киритилган масалалар бўйича материалларини ва қарорлари лойиҳаларини тайёрлаш;
давлат ва хўжалик бошқаруви органлари, маҳаллий давлат ҳокимияти органлари, товарлар (ишлар, хизматлар)нинг давлат харидлари жараёнида иштирок этувчи бошқа ташкилотлар ва хўжалик юритувчи субъектлар томонидан Ҳукумат комиссияси қарорлари бажарилишини назорат қилиш;
давлат харидлари соҳасидаги қонун ҳужжатларини такомиллаштиришда қатнашиш.
77-савол. Ўзбекистон Республикаси Вазирлар Маҳкамасининг 2011 йил 1 апрелдаги “Давлат харидларини ташкил этишга доир норматив-ҳуқуқий базани такомиллаштириш чора-тадбирлари тўғрисида”ги 100-сонли қарори билан Вазирлар Маҳкамасининг 2002 йил 15 ноябрдаги 393-сон қарорига киритилган ўзгаришлар тўғрисида тушунча беринг ?
Жавоб: Республикаси Вазирлар Маҳкамасининг 2011 йил
1 апрелдаги “Давлат харидларини ташкил этишга доир норматив-ҳуқуқий базани такомиллаштириш чора-тадбирлари тўғрисида”ги 100-сонли қарори билан Вазирлар Маҳкамасининг 2002 йил 15 ноябрдаги 393-сон қарори билан Назорат-тафтиш бош бошқармаси ташкилий тузилмасида “Давлат харидлари бўйича тендер (танлов) савдолари ўтказилишини назорат қилиш бўлими” ташкил этилди ва Назорат-тафтиш бош бошқармасининг Пахта тозалаш саноати корхоналарида ҳисоб ва ҳисоботнинг тўғрилигини назорат қилиш бошқармаси ходимларининг чекланган сони 17 нафардан 16 нафарга ўзгартирилди ва жами ходимлар сони 71 нафар ўрнига 73 нафарни ташкил қилди.
Қорақалпоғистон Республикаси, вилоятлар ва Тошкент шаҳар назорат-тафтиш бошқармалари ташкилий тузилмасидаги Ўзбекистон Республикаси Давлат бюджетининг ғазна ижросини назорат қилиш сектори Давлат харидлари бўйича тендер (танлов) ўтказилишини назорат қилиш ва Ўзбекистон Республикаси Давлат бюджетининг ғазна ижросини назорат қилиш бўлими деб ҳисобланди.
Назорат-тафтиш бош бошқармасининг ҳамда Қорақалпоғистон Республикаси, вилоятлар ва Тошкент шаҳридаги назорат-тафтиш бошқармаларининг вазифаларига давлат харидлари бўйича тендер (танлов) савдолари ўтказилишининг тўғрилигини назорат қилиш қўшилган бўлса уларнинг ўз зиммасига юкланган вазифаларга мувофиқ амалга ошириши лозим бўлган функцияларига давлат харидлари бўйича қалбакилаштириш, савдолар қатнашчилари ўртасида тил бириктириш, коррупция алоқалари мавжудлиги ва сохта тендер (танлов) савдолари ўтказилиши белгилари бўлган савдоларни аниқлаш ҳамда уларни бекор қилиш бўйича белгиланган тартибда чоралар кўриш юклатилди.
78-савол. Бюджет ташкилотлари томонидан ғазначилик бўлимларига топширилган шартномаларни рўйхатга олиш муддатларини айтинг ?
Жавоб: Ўзбекистон Республикаси Адлия вазирлигида 2009 йил
16 сентябрда 2007-сон билан рўйхатга олинган Ўзбекистон Республикаси Молия вазирининг 2009 йил 4 августдаги 69-сон буйруғи билан тасдиқланган “Давлат бюджетининг Ғазна ижроси Қоидалари”нинг 87-бандига мувофиқ, Ғазначилик бўлинмаси бюджетдан маблағ олувчи томонидан шартнома тақдим этилган кундан бошлаб уч иш куни давомида шартномада кўрсатилган суммани бюджетдан маблағ олувчиларнинг харажатлар сметасида назарда тутилган тегишли ажратилган бюджет маблағларининг мавжудлигига текширади.
79-савол. Юридик ва молиявий мажбуриятларни мазмунини тушунтиринг ?
Жавоб: Адлия вазирлигида 05.12.2007 йилда 1746-сон билан рўйхатга олинган “Бюджетдан маблағ олувчиларнинг шахсий ҳисобварақларини Ўзбекистон Республикаси Молия вазирлиги Ғазначилигида ва унинг ҳудудий бўлинмаларида юритиш қоидалари” (18.01.13 й дан ўз кучини йўқотган) ҳамда Адлия вазирлигида 18.01.2013 йилда 2414-сон билан рўйхатга олинган “Ўзбекистон Республикаси Молия вазирлиги ва унинг ҳудудий бўлинмаларида бюджетдан маблағ олувчиларнинг шахсий ғазна ҳисобварақларини очиш, ёпиш ва юритиш қоидалари”да қуйидагича кўрсатилган: