Ўзбекистон Республикаси Молия вазирлиги

Бевосита инвестициялар икки гуруҳга бўлинади:
1. Трансконтинентал капитал қўйилмалар.
2. Трансмиллий қўйилмалар.
Трансконтинентал капитал қўйилмалар - инвестиция киритиш учун қулай бозор шароити бўлган ҳолда бошқа бир давлат ёки континентдан инвестиция экспортини амалга оширишдир. Асосий мақсад – бозорни эгаллаш ва шу континентда янги ишлаб чиқаришни ташкил этиш.
Трансмиллий капитал қўйилмалари асосан қўшни давлатларга амалга оширилади. Бундан асосий мақсад – бош компанияга нисбатан қилинадиган капиталнинг ҳаракатини минимум даражада амалга ошириш.
Бевосита инвестициялар икки мақсадга йўналтирилади:
1. Янги компания ташкил этиш.
2. Банкрот бўлган компанияларни харид қилиш.
Портфель инвестициялар (portfoIio investments) - шундай инвестицияларки, бунда капитални даромад олиш мақсадида корхоналарнинг акциялари, облигациялари ва бошқа қимматли қоғозларини сотиб олиш учун сарфланади. Бундай инвестициялар корхоналарнинг молиявий хўжалик фаолияти устидан назорат ўрнатиш ҳуқуқини бермайди. Хорижий портфель инвестициялар барча халқаро операцияларни амалга оширишда фирмалар учун муҳим аҳамиятга эга.
Бy турдаги инвестицияларга асосан молиявий муаммоларни ечиш учун мурожаат қилинади. Корпорацияларнинг молиявий бўлимлари маблағларнинг бир мамлакатдан бошқа мамлакатга қисқа муддатли инвестициялардан юқори фойда олиш учун ўтказадилар. Бундай инвестициялар кўпинча хусусий тадбиркорлар капиталига асосланган, баъзида эса ўз қимматбаҳо қоғозларини чиқаради ва хорижий қимматбаҳо қоғозларини сотиб олади.
Халқаро портфель инвестициялар мамлакат тўлов балансида қандай классификацияланган бўлса, шундай акс эттирилади. Портфель инвестициялар қуйидаги кўринишда бўлиши мумкин:

• 
  акционер қимматбаҳо қоғозлари (eguity securities) - бозор муомаласидаги пул ҳужжати бўлиб, ҳужжат эгасининг ушбу ҳужжатни чиқарган шахсга нисбатан мулкий хуқуқга эгалигини тасдиқлайди;
  
• 
  заём қимматбаҳо қоғозлар (debt securities) - бозор муомаласидаги пул ҳужжати бўлиб, заём эгасининг ушбу ҳужжатни чиқарган шахсга нисбатан муносабатини тасдиқлайди.
  

Заём қимматбаҳо қоғозлари қуйидаги шаклларда чиқарилади:

•