Ўзбекистон Республикаси Молия вазирлиги

3.4-расм. 2010 йил Давлат инвестиция дастури доирасида жалб қилинган хорижий инвестициялар тармоқ таркиби

Ушбу расмда келтирилган маълумотларга эътибор қаратилса энг кўп инвестиция нефтгаз тармоғига йўналтирилганини яъни, 60,1 фоиз, кейинги ўринда телекоммуникация тармоғига 11,0 ва учинчи ўринда транспорт соҳасига йўналтирилгавнлигини кўриш мумкин. Бу эса ўз навбатида Ўзбекистон Республикаси иқтисодиётини янада ривожлантириш ва барқарорлигини таъминлаш учун олиб бораётган иқтисодий ислоҳотларини нақадарп ўринли эканлигидан далолат беради.

3.5. Миллий иқтисодиётда инвестицияларни молиялаштириш ҳозирги кун ҳолатлари
Миллий иқтисодиётни ривожлантириш учун инвестицион сиёсатни амалга ошириш мақсадида ҳар йили инвестицион дастур қабул қилинади. Ушбу дастурларда белгиланадиган вазифаларқуйидагилардан иборат: иқтисодиётда таркибий ўзгаришларни янада чуқурлаштириш, устувор тармоқларга инвестициялар киритиш, корхоналарнинг инвестицион фаолиятини жадаллаштириш, модернизация қилиш ва технологик жиҳатдан қайта қуроллантириш дастурларини амалга оширишга хорижий инвестицияларни кенг жалб этиш, улардан самарали фойдаланиш, янги иш ўринларини яратиш ва шу асосида республика иқтисодиётини барқарор ва бир маромда ривожлантиришни таъминлашга қаратилади.
Шунингдек, ушбу дастурга киритилган устувор тармоқларни инвестициялашни молиялаштириш манбалари белгиланади. Шунга кўра, миллий иқтисодиётда инвестицияларни барча молиялаштириш манбалари ҳисобидан асосий капиталга инвестициялар ҳажми 2007 йилда 5903,5 млрд. сўмни ташкил этган бўлса, 2008 йилда бу кўрсаткич 9555,9 млрд. сўмга 2009 йилда эса 12531,9 млрд. сўмга тенг бўлди.
Шуни таъкидлаш лозимки, ҳозирги кунда юзага келган ҳалқаро молиявий-иқтисодий инқироз кўплаб давлатлар қатори бизнинг мамлакатимиздаги иқтисодий жараёнларга ҳам маълум даражада ўз таъсирини кўрсатдики, бу ҳолат таҳлиллари билан тадқиқот жараёнида танишиб борамиз.
Ўзбекистон Республикаси Президенти И.А.Каримов “Инвестиция базасини ривожлантириш ва чуқурлаштириш ислоҳотимиз стратегиясини жуда муҳим шартидир. Иқтисодиётни таркибий жиҳатдан қайта қуриш, экспорт имкониятини кенгайтириш соҳасида белгиланган йўналишлар, кучли инвестиция сиёсатини ўтказиш билангина рўёбга чиқади”¹⁸ деган кўрсатмаларининг амалий ечимини топиши, корхоналарни давлат тасарруфидан чиқариш ва хусусийлаштириш Дастури ҳамда инвестицион лойиҳаларни амалга оширилиши натижасида 2007 йилнинг хулосасига кўра асосий капиталга инвестиция секторларга қуйидагича: давлат секторга 1284,4 млрд. сўм, нодавлат секторга эса 2682,9 млрд. сўм миқдорда тақсимланган бўлса, 2008 йилда бу кўрсаткичлар мос равишда 2154,9 млрд. сўм ва 6328,8 млрд. сўмга етди.