Ўзбекистон Республикаси Молия вазирлиги ҳузуридаги бюджетдан ташқари Пенсия жамғармаси

«Ягона реестр» АТни жорий этишнинг асосий мақсадлари

идоралараро электрон ҳамкорликни қўллаш воситасида ўзаро ҳужжат алмашиш жараёнини автоматлаштириш орқали давлат ижтимоий хизматлари ва ёрдамини тақдим этиш учун зарур бўлган маълумотнома ва тасдиқловчи ҳужжатлар сонини тубдан қисқартириш;
белгиланган мезонларга мувофиқ кам таъминланган оилаларнинг эҳтиёжмандлик даражасини объектив баҳолаш, давлат ижтимоий хизматлари ва ёрдамини тақдим этиш жараёнларини автоматлаштириш орқали қарорларни қабул қилишда субъектив ёндашувни бартараф этиш;
аҳолининг эҳтиёжманд тоифаси таркиби ўзгариши динамикаси мониторинги ва таҳлилини юритиш, уларни баҳолаш мезонларини республика ва ҳудудларнинг ижтимоий-иқтисодий ривожланишини ҳисобга олган ҳолда такомиллаштириш;
давлат ижтимоий хизматлари ва ижтимоий ёрдам олувчиларнинг доимий янгиланиб турадиган ягона маълумот базасини шакллантириш;
манфаатдор вазирлик, идоралар ва ташкилотларнинг ўзларига юклатилган вазифа ва функцияларни бажаришда хизматларни бепул ёки имтиёзли асосда тақдим этиши учун маълумот билан таъминлаш.
1-босқич. Фуқаролар яшаш жойи бўйича фуқароларни ўзини-ўзи бошқариш органига ариза билан мурожаат этади
2-босқич. Фуқароларнинг ўзини ўзи бошқариш органи аризани рўйхатдан ўтказади ҳамда белгиланган ҳужжатлар билан бирга ҳудудий Пенсия жамғармаси бўлимига тақдим этади.
3-босқич. Пенсия жамғармаси бўлими «Ижтимоий ҳимоя ягона реестри» ахборот тизимига маълумотларни киритади.
4-босқич. Ягона реестр АТ оиланинг даромад миқдори аниқлайди, ариза берувчиларнинг мобил телефон рақамига ижтимоий нафақа тайинланганлиги, рад этилганлиги ёки кўриб чиқиш учун кейинги ойда (кутиш рўйхатларига) ўтказилганлиги тўғрисида хабар юборади.
5-босқич. Молия бўлими ижтимоий нафақалар тўлаш учун маблағларни АТ «Халқ банки» бўлими нинг махсус ҳисобварағига ўтказади
6-босқич.
АТ «Халқ банки» бўлими Ижтимоий нафақа олувчиларга тўловларни амалга оширади
Кам таъминланган оилалар болалари учун нафақа ва моддий ёрдам тайинлаш ва тўлаш қуйидаги 6 босқичда амалга оширилади
Фуқаролар яшаш жойи бўйича фуқароларни ўзини-ўзи бошқариш органига ойнинг 16-санасига қадар аризани тақдим этади.