Ўзбекистон республикаси меҳнат ва аҳолини ижтимоий муҳофаза қилиш вазирлиги

ЎЗБЕКИСТОН РЕСПУБЛИКАСИ МЕҲНАТ ВА АҲОЛИНИ ИЖТИМОИЙ МУҲОФАЗА ҚИЛИШ ВАЗИРЛИГИ
ЎЗБЕКИСТОН РЕСПУБЛИКАСИ МОЛИЯ ВАЗИРЛИГИНИНГ
ҚАРОРИ
ИШЛАЙДИГАН ОНАЛАРГА БОЛА ИККИ ЁШГА ЕТГУНГА ҚАДАР УНИ ПАРВАРИШ ҚИЛГАНЛИГИ УЧУН ҲАР ОЙЛИК НАФАҚА ТАЙИНЛАШ ВА ТЎЛАШ ТАРТИБИ ТЎҒРИСИДАГИ НИЗОМНИ ТАСДИҚЛАШ ҲАҚИДА
[Ўзбекистон Республикаси Адлия вазирлиги томонидан 2002 йил 14 мартда 1113-сон билан давлат рўйхатидан ўтказилган]
Ўзбекистон Республикаси Вазирлар Маҳкамасининг 2002 йил 25 январдаги «Аҳолининг ижтимоий ҳимояга муҳтож қатламларини аниқ йўналтирилган тарзда қўллаб-қувватлашнинг 2002-2003 йилларга мўлжалланган дастурини амалга ошириш чора-тадбирлари тўғрисида»ги қарори ижросини таъминлаш мақсадида қарор қилади:
1. Ишловчи оналарга бола икки ёшга тўлгунга қадар бола парвариши бўйича нафақа тайинлаш ва тўлаш тартиби тўғрисидаги низом иловага мувофиқ тасдиқлансин.
2. Қуйидагилар ўз кучини йўқотган деб ҳисоблансин:
Ўзбекистон Республикаси Меҳнат вазирлигининг 8 июлдаги 640/03-1 сон ва Молия вазирлигининг 12-02-29/338-сон билан тасдиқланган «Болалар икки ёшга етгунга қадар ёш болага қараганлиги учун ойлик нафақа тўлаш тартиби тўғрисида»ги низом (1998 йил 4 сентябр, рўйхат рақами 489);
Ўзбекистон Республикаси Меҳнат вазирлигининг 10 майдаги 5-сон ва Молия вазирлигининг 40-сон билан тасдиқланган «Болалар икки ёшга етгунга қадар ёш болага қараганлиги учун ойлик нафақа тўлаш тартиби тўғрисидаги Низомга ўзгартиришлар киритиш тўғрисида»ги қарори (2001 йил 17 май, рўйхат рақами 489-1);
3. Мазкур қарор Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кун ўтиб кучга киради.
Меҳнат ва аҳолини ижтимоий муҳофаза қилиш вазири О. ОБИДОВ
Тошкент ш.,
2002 йил 18 февраль,
588-сон