Ўзбекистон республикаси марказий сайлов комиссиясининг қарори

---

1 
ЎЗБЕКИСТОН РЕСПУБЛИКАСИ 
МАРКАЗИЙ САЙЛОВ КОМИССИЯСИНИНГ 
ҚАРОРИ 
 
ЎЗБЕКИСТОН РЕСПУБЛИКАСИ ПРЕЗИДЕНТИ CАЙЛОВИГА ДОИР 
АЙРИМ ҲУЖЖАТЛАРНИНГ НАМУНА ВА ШАКЛЛАРИНИ 
ТАСДИҚЛАШ ТЎҒРИСИДА 
 
“Ўзбекистон Республикаси Президенти сайлови тўғрисида”ги Ўзбекистон 
Республикаси Қонунининг 14-моддаси ва “Ўзбекистон Республикаси Марказий 
сайлов комиссияси тўғрисида”ги Ўзбекистон Республикаси Қонунининг 
5-моддасига мувофиқ Ўзбекистон Республикаси Марказий сайлов комиссияси 
Қ А Р О Р Қ И Л А Д И: 
1. Қуйидагилар: 
Ўзбекистон Республикаси Президенти сайловига доир сайлов бюллетени 
намунаси 1-иловага; 
Ўзбекистон Республикаси Президенти сайловига доир сайлов варақаси 
намунаси 2-иловага; 
Сайлов бюллетенларини топшириш ва қабул қилиш далолатномаси 
намунаси 3-иловага; 
Сайлов варақаларини топшириш ва қабул қилиш далолатномаси 
намунаси 4-иловага мувофиқ тасдиқлансин. 
2. Белгилансинки: 
сайлов бюллетенлари ва сайлов варақаларининг матнлари Ўзбекистон 
Республикаси Марказий сайлов комиссиясининг Ўзбекистон Республикаси 
Президентлигига номзодларни рўйхатга олиш тўғрисидаги қарорига асосан 
тасдиқланади; 
Ўзбекистон Республикаси Президенти сайловига доир сайлов бюллетени 
ва сайлов варақаси қалинлиги 75 ± 5г/м², саккиз қиррали юлдуз ичида “Хумо 
қуши” тасвири туширилган сув белгили қоғоз, оппоқлиги камида 70 фоиз 
бўлган, “Давлат белгиси” давлат ишлаб чиқариш бирлашмасининг Тошкент 
қоғоз фабрикаси томонидан тайёрланадиган матбаа офсет қоғозида бир хил 
рангда босилади; 
Ўзбекистон Республикаси Президенти сайловига доир сайлов бюллетени 
ва сайлов варақасининг ҳажми А4, 297 x 210 мм дан иборат бўлади; 
матбаа ташкилоти сайлов бюллетенлари ва сайлов варақаларининг яроқли 
эканлигини текширади ҳамда уларни сайлов бюллетенлари ва сайлов 
варақаларини олиш ваколатига эга бўлган (ишончномага асосан) Ўзбекистон 
Республикаси Марказий сайлов комиссияси масъул ходимига далолатнома 
асосида топширади, далолатномада унинг тузилган санаси, вақти, шунингдек 
топширилаётган сайлов бюллетенлари ҳамда сайлов варақаларининг сони 
кўрсатилади; 
буюртмага мувофиқ белгиланган миқдордаги сайлов бюллетенлари ва 
сайлов варақалари топширилгандан кейин матбаа ташкилоти ходимлари яроқсиз 
деб топилган ҳамда ортиқча сайлов бюллетенлари ва сайлов варақалари 
Ўзбекистон Республикаси Марказий сайлов комиссияси масъул ходими 

---

иштирокида дарҳол йўқ қилинади, бу ҳақда далолатнома тузилиб, ҳозир 
бўлганлар томонидан имзоланади. 
3. Қайд этиб ўтилсинки:
сайлов бюллетенлари сайловга камида йигирма кун қолганида нашр 
этилади ва тегишли тартибда расмийлаштирилиб, округ сайлов комиссиясига 
юборилади; 
участка сайлов комиссиялари сайлов бюллетенларини округ сайлов 
комиссияларидан сайловга камида уч кун қолганида олади; 
участка сайлов комиссияси оладиган сайлов бюллетенларининг сони 
сайлов участкаси бўйича сайловчиларнинг рўйхатига киритилган сайловчилар 
сонидан 0,5 фоиздан кўп бўлиши мумкин эмас; 
сайлов бюллетени ва сайлов варақасининг ўнг томони юқори бурчагига 
участка сайлов комиссиясининг икки аъзоси имзо қўяди, имзолар участка сайлов 
комиссиясининг муҳри билан тасдиқланади; 
ҳар бир рўйхатга олинган номзод тўғрисидаги маълумотларнинг ўнг 
томонига бўш квадратлар жойлаштирилади. 
4. Округ сайлов комиссияларига участка сайлов комиссияларини 
Ўзбекистон Республикаси Президенти сайловига доир сайлов варақалари билан 
2016 йил 22 ноябргача, сайлов бюллетенлари билан 2016 йил 1 декабргача 
таъминлаб бериш юклатилсин. 
Бунда округ сайлов комиссиялари туманлар, шаҳарлар чегараларида 
истиқомат қилаётган аҳолининг миллий мансублиги тўғрисидаги маълумотларни 
ҳисобга олган ҳолда сайлов варақалари ва сайлов бюллетенларини тегишли 
тиллар бўйича тақсимласинлар. 
5. Сайлов бюллетенлари ва сайлов варақаларини чоп этиш бўйича 
тақсимот (Ўзбекистон Республикаси Давлат статистика қўмитасининг 
маълумотларига асосан) 5-иловага мувофиқ тасдиқлансин. 
6. Ўзбекистон 
Республикаси 
Марказий 
сайлов 
комиссиясининг
2007 йил 18 сентябрдаги 321-сонли “Ўзбекистон Республикаси Президенти 
cайловига доир ҳужжатларнинг намуна ва шакллари тўғрисида”ги қарорининг
1-5, 7, 10-18-бандлари ўз кучини йўқотган деб ҳисоблансин. 
7. Ушбу 
қарор 
Ўзбекистон 
Республикаси 
Марказий 
сайлов 
комиссиясининг расмий веб-сайтида, шунингдек бошқа манбаларда эълон 
қилинсин. 
8. Мазкур қарорнинг ижросини назорат қилиш Ўзбекистон Республикаси 
Марказий сайлов комиссияси котиби (С. Қурбанкулов) зиммасига юклансин.