Ўзбекистон республикаси марказий сайлов комиссиясининг қарори №1040 2020 йил «28» октябрь

19-боб. Такрорий сайлов ўтказиш 
Такрорий сайлов асосий сайловдан кейин кечи билан бир ойлик муддат 
ичида қуйидаги ҳолларда ўтказилади: 
– агар сайлов округи бўйича сайлов ўтмаган ёхуд ҳақиқий эмас деб 
топилган бўлса; 
– агар такрорий овоз бериш сайланган депутатни аниқлаш имконини 
бермаган бўлса; 
– агар сайлов округи бўйича кўпи билан икки номзод қўйилган бўлса ва 
улардан ҳеч бири сайланмаган бўлса
75
. 
Миллий сайлов амалиётида илк бора такрорий сайлов институти 
қўлланилди. Хусусан, Халқ депутатлари Чилонзор тумани кенгашига сайлов 
ўтказувчи 4-Лутфий ва Халқ депутатлари Бектемир туман кенгашига сайлов 
ўтказувчи 18-Висол сайлов округларида сайловлар ҳаққоний эмас деб топилган. 
Такрорий сайловлар 2020 йил 19 январь куни ўтказилган. 
Муаммо: 
Сайлов кодексида такрорий сайловни ўтказишда айрим ҳуқуқий 
бўшлиқлар мавжудлиги аниқланди. Хусусан, сайлов комиссияларини тузиш, 
номзодларни рўйхатга олиш ва бошқа тадбирлар Сайлов кодексида белгиланган 
тартибда амалга оширилиши белгиланган бўлса-да, амалиётда такрорий 
сайловларни ўтказишда ОСК ва УСКларни тузиш, номзодларни рўйхатга олиш, 
сайловолди ташвиқотини ўтказиш каби тадбирларни ўтказиш учун бир ойлик 
муддат етарли эмаслиги аниқланди. 
Таклиф:
Такрорий сайлов ўтказиш жараёнларида мавжуд ҳуқуқий 
бўшлиқларни аниқлаштириш. 
75
Сайлов кодексининг 60-моддаси. 

---

38 
20-боб. Сайловларнинг натижаларини эълон қилиш 
Олий Мажлисга сайлов якунларига кўра ЎзР МСКнинг қарори сайловдан 
кейин 10 кундан кечиктирмай қабул қилинади, МСКнинг расмий веб-сайтида ва 
бошқа манбаларда эълон қилинади (ҳаммага маълум қилинади). Маҳаллий 
кенгашга ўтказилган сайлов якунлари тўғрисидаги қарор тегишли сайлов 
комиссияси томонидан сайловдан кейин 10 кундан кечиктирмай қабул қилинади 
ва матбуотда эълон қилинади, шунингдек ОАВда ҳаммага маълум қилинади
76
. 
Сайловдан 3 кун ўтгач, яъни 25 декабрь куни ЎзР МСКнинг мажлисида 
Қонунчилик палатасига сайлов якунлари кўриб чиқилди ва 125 та сайлов 
округларидан сайланган депутатлар рўйхатга олинди. Шунингдек, 2020 йил 
6 январь куни 25 та сайлов округида такрорий овоз беришнинг якунлари кўриб 
чиқилиб, ЎзР МСКнинг тегишли қарори қабул қилинди
77
. 
2019 йил 22 декабрдаги овоз бериш ҳамда 2020 йил 5 январдаги такрорий 
овоз бериш натижалари, яъни сайловларнинг якунларига кўра, Қонунчилик 
палатасида сиёсий партиялар қуйидагича депутатлик ўринларига эга бўлдилар: 
1. ЎзЛиДеП – 53 та ўрин; 
2. “Миллий тикланиш” ДП – 36 та ўрин; 
3. “Адолат” СДП – 24 та ўрин; 
4. ХДП – 22 та ўрин; 
5. Экопартия – 15 та ўрин. 
Янги сайланган депутатларнинг рўйхатлари ЎзР МСКнинг расмий веб-
сайтида ва ОАВда эълон қилинди (сайланган депутатларнинг сифат таркиби 8-
иловада келтирилган).