Ўзбекистон республикаси марказий сайлов комиссиясининг қарори №1040 2020 йил «28» октябрь

 
Қ А Р О Р Қ И Л А Д И:
1. Ўзбекистон Республикаси Марказий сайлов комиссияси котиби 
Х.Маматовнинг Ўзбекистон Республикаси Олий Мажлиси ва маҳаллий вакиллик 
органларига 2019 йил 22 декабрда бўлиб ўтган сайловларнинг таҳлили 
натижалари юзасидан берган ахбороти маълумот учун қабул қилинсин. 
2. Ўзбекистон Республикаси Марказий сайлов комиссиясининг “Сайлов 
2019: ютуқлар, муаммолар, таклифлар” якуний ахбороти 1-иловага мувофиқ 
тасдиқлансин. 

---

3 
Ахборотда 2019 йил 22 декабрь куни Ўзбекистон Республикаси Олий 
Мажлиси Қонунчилик палатаси ҳамда маҳаллий вакиллик органлари 
сайловларига тайёргарлик кўриш ва уни ўтказиш, сайлов жараёнларини оммавий 
ахборот воситаларида ёритиш ҳамда сайлов натижаларини эълон қилиш билан 
боғлиқ босқичлар атрофлича таҳлил этилганлиги, эришилган ютуқлар, юзага 
келган муаммолар, йўл қўйилган камчиликлар ва уларни бартараф этиш 
юзасидан тавсиялар ўрин олганлиги қайд этилсин. 
3. Марказий сайлов комиссиясининг Котибияти (Х.Маматов): 
“Сайлов 2019: ютуқлар, муаммолар, таклифлар” якуний ахборотини 
электрон шаклда (PDF форматда) ўзбек, рус ва инглиз тилларида Марказий 
сайлов комиссиясининг веб-сайтига жойлаштирилишини; 
“Сайлов 2019: ютуқлар, муаммолар, таклифлар” якуний ахборотини 
рисола сифатида ўзбек, рус ва инглиз тилларида 500 нусхада чоп этилишини 
ҳамда уни манфаатдор вазирлик ва идораларга, хорижий давлатларнинг 
Ўзбекистон 
Республикасидаги 
элчихоналарига 
ҳамда 
Ўзбекистон 
Республикасининг хорижий давлатлардаги ва халқаро ташкилотлар қошидаги 
дипломатик ваколатхоналарига, бошқа манфаатдор шахсларга юборилишини 
таъминласин. 
4. “Сайлов 2019: ютуқлар, муаммолар, таклифлар” якуний ахборотида акс 
этган тавсияларни амалиётга тадбиқ этиш бўйича Марказий сайлов 
комиссиясининг ишчи гуруҳи таркиби 2-иловага мувофиқ тасдиклансин. 
Ишчи гуруҳ (М.Истамов) бир ойлик муддатда:
“Сайлов 2019: ютуқлар, муаммолар, таклифлар” якуний ахборотида 
билдирилган тавсияларни амалга ошириш бўйича таклифлар ишлаб 
чиқилишини, уларни манфаатдор томонлар билан келишиш, оммавий ахборот 
воситалари ва ижтимоий тармоқларда муҳокамасини ташкил этишни 
таъминласин; 
етук олимлар, экспертлар, жамоат ташкилотлари ва фуқаролик жамияти 
институтларининг вакилларини жалб этган ҳолда миллий сайлов амалиёти ва 
қонунчилигини янада демократлаштириш ва такомиллаштириш бўйича 
комплекс чора-тадбирлар дастурини ишлаб чиқилишини ва уни амалга 
оширилишини ташкил этсин. 
5. Ушбу 
қарор 
Ўзбекистон 
Республикаси 
Марказий 
сайлов 
комиссиясининг расмий веб-сайтида эълон қилинсин.
6. Мазкур қарорнинг ижросини назорат қилиш Ўзбекистон Республикаси 
Марказий сайлов комиссияси раисининг ўринбосари М.Истамов зиммасига 
юклансин.