Ўзбекистон Республикаси Марказий банки

III. 2019
–2021 ЙИЛЛАРДА МАКРОИҚТИСОДИЙ РИВОЖЛАНИШ 
СЦЕНАРИЙЛАРИ ВА ПУЛ-КРЕДИТ ШАРОИТЛАРИ
Ўрта муддатли истиқболда пул-кредит соҳасида қарорлар қабул 
қилишда Марказий банк жорий иқтисодий шарт-шароитлар таҳлили 
ва макроиқтисодий прогнозларга асосланади. Макроиқтисодий 
таҳлил ва прогнозларни ишлаб чиқишда кенг қамровли маълумотлар, 
эконометрик моделлар ва соҳа экспертларининг хулосаларидан 
фойдаланилади. Бунда 2019 йилдан бошлаб Марказий банк 
фаолиятига макроиқтисодий таҳлил ва прогнозлашнинг замонавий 
тизими (FPAS) жорий этила бошлайди.
Прогнозларни 
шакллантиришда 
макроиқтисодий 
ривожланишнинг ташқи ва ички омиллари, мамлакатимизда 
келгусида амалга оширилиши кўзда тутилаётган чоралар инобатга 
олинади. Ривожланишнинг бугунги босқичида нархлар динамикаси 
бўйича хатарлар носимметрик тарзда юзага келиши ва асосан 
инфляцияни кучайтириш хусусиятига эга эканлиги пул-кредит 
сиёсатини ишлаб чиқишда эҳтиёткорона ёндашувни сақлаб қолишни 
талаб этмоқда.
Ўз навбатида, Марказий банк пул-кредит сиёсатини юритишда 
инфляцияни ўрта муддатли истиқболда пасайтириш мақсадларидан 
келиб чиқади. Чунки пул-кредит сиёсати ички нархларга 1,5–2 йиллик 
даврий кечикиш (лаг) билан таъсир этади, одатда қисқа муддатли 
даврдаги инфляцияни пул-кредит инструментлари билан тартибга 
солиш қийин бўлади.
Шу муносабат билан, пул-кредит сиёсати асосий йўналишлари 
ва прогнозларини ишлаб чиқишда ривожланишнинг асосий 
вариантлари билан бир қаторда келгусида рўй бериши мумкин бўлган 
ходисалар ва хатарларни ўз ичига олган муқобил (хатарли) 
варианти ҳам ишлаб чиқилди. Ушбу сценарийлар бир-биридан 
иқтисодий ривожланишнинг ички ва ташқи шароитлари қисмида 
фарқланади.
Ички шароитлар республикамизда амалга оширилаётган ва 
амалга оширилиши кутилаётган ўзгаришларни ўз ичига олади. Ташқи 
шароитлар эса экспорт товарлари бозоридаги конъюнктура, асосий 
савдо ҳамкор давлатлар иқтисодиёти ва валюта курслари 
ўзгаришлари билан боғлиқ омилларни назарда тутади. 

---

76 
Иқтисодий 
ривожланишнинг 
вариантлар 
асосида 
кўриб 
чиқилиши хатарлар ва кўзда тутилмаган ҳодисалар юзага келган 
шароитда 
ҳам 
пул-кредит 
сиёсатини 
юритишда 
нархлар 
барқарорлигини 
таъминлашга 
қаратилган 
аниқ 
таҳлил 
ва 
прогнозларга асосланган қарорлар қабул қилиш имконини беради. 
Бунда қарорлар қабул қилишда асосий эътибор иқтисодиётдаги қисқа 
муддатли ўзгаришларга эмас, балки узоқ муддатли тенденциялар