Ўзбекистон республикаси марказий банки

Олтин бозори 
Олтин нархи 2018 йилдан 2020 йил август ойигача бўлган даврда 1 трой унция учун 
1 200-1 
400 АҚШ долларидан 2 000 АҚШ долларигача
ошиб борган бўлса, 2020 йил 
август – 2021 йил март ойларида, глобал талабнинг, биринчи навбатда, олтин 
маҳсулотлари ишлаб чиқарувчилари талабининг пасайишига олиб келадиган чеклов 
чоралари, шунингдек, кўплаб марказий банклар етарли миқдордаги олтин захираларини 
шакллантиришга муваффақ бўлганлиги фонида нархларнинг бироз пасайиши 
кузатилди. 
1-
расм.
Олтин нархи ўзгариши
(1 трой унция учун АҚШ долларида)
2-
расм.
Брент маркали нефть нархи 
ўзгариши 
(1 баррел учун АҚШ долларида)
 
 
 
 
 
 
 
 
 
Манба: 
Gold Price 
ва Markets Insider (businessinsider.com) 
2021 йилнинг ўрталаридан ҳозирги кунга қадар қимматбаҳо металл нисбатан 
барқарор зонада бўлиб, нархларда сезиларли оғишлар кузатилмаяпти. Тебранишлар 
оралиғи 
1 730 - 1 800 
АҚШ долларини
ташкил этиб келмоқда. 
Олтин бозори 2022 йилда бир-бирига боғланган кўплаб омиллар билан ўзаро 
алоқадордир. 2020-2021 йилларда АҚШ Федерал захира тизими, ЕМБ ва бошқа 
марказий банкларнинг ўта юмшоқ пул-кредит сиёсатлари дунёда реал фоиз 
ставкаларининг пасайишига олиб келди.
Шу аснода, олтин ишонч камроқ бўлган молиявий активларга нисбатан янада 
фойдали ва жозибадор инвестиция объектига айланиб нархи кўтарила бошлади. Бироқ, 
2021 йилнинг биринчи ярмига қараладиган бўлса, тахмин қилинаётган юқори фоиз 
ставкалари олтин нархи динамикасига қарама-қарши таъсир ўтказди. 
2020 йилнинг сентябридан 2021 йилнинг сентябригача бўлган даврда қимматбаҳо 
металлар нархи ўртача 
6,6 фоизга
пасайди.
Иқтисодчилар томонидан яқин келажакда нархларни юқори даражада сақланиб 
туришига таъсир этувчи омиллар сифатида – хомашё нархларининг глобал ўсиши ва 
дунёдаги эпидемиологик вазиятнинг кескин сақланиб қолаётганлиги баҳоланмоқда. 

---