Ўзбекистон Республикаси Марказий банки пул-кредит сиёсатининг 2021 йил ва 2022-2023 йиллар даврига мўлжалланган асосий йўналишлари

энг муҳим 
вазифалардан
ҳисобланади. 

---

Ўзбекистон Республикаси Марказий банки
 
ПУЛ-КРЕДИТ СИЁСАТИНИНГ 2021 ЙИЛ ВА 2022-2023 ЙИЛЛАР
ДАВРИГА МЎЛЖАЛЛАНГАН АСОСИЙ ЙЎНАЛИШЛАРИ
89
 
10-
ҳавола 
 
Инфляцион кутилмалар аҳамияти ва уларнинг асосий омиллари
 
Инфляцион кутилмалар аҳоли ва тадбиркорлик субъектларининг истеъмол, 
жамғариш ва инвестиция бўйича қарорларига таъсир кўрсатадиган муҳим 
кўрсаткичлардан ҳисобланади. Бунда, инфляцион кутилмалар иқтисодиётда ялпи 
талабни шакллантиришга таъсири орқали нархлар даражасига, иқтисодий ўсиш 
кўрсаткичларига ва инвестицион ресурсларнинг шаклланишига сезиларли таъсир 
кўрсатади. 
Инфляцион таргетлаш режими доирасида, пул-кредит сиёсати самарадорлигини 
оширишда иқтисодиёт субъектларининг инфляцион кутилмаларини доимий равишда 
таҳлил қилиб бориш ҳамда уларнинг инфляция мақсадли кўрсаткичлари доирасида 
шаклланишини таъминлаш муҳим ҳисобланади.
2018 йилдан бошлаб Марказий банк томонидан иқтисодиётдаги инфляцион 
кутилмаларни баҳолаш ва уларга таъсир қилувчи омилларни аниқлаш мақсадида 
мамлакат бўйлаб аҳоли ва тадбиркорлик субъектлари орасида мунтазам равишда 
сўров ўтказиб келмоқда. Мазкур сўровлар натижалари бўйича аҳоли ва тадбиркорлик 
субъектлари томонидан сезилган инфляция даражаси ҳамда уни вужудга келтирувчи 
омиллар, келгуси давр учун инфляцион кутилмалар ва истеъмол кайфиятига баҳо 
берилади. 
2020 йилнинг январь-сентябрь ойларида аҳоли ва тадбиркорлик субъектларининг 
инфляцион кутилмалари ўзгарувчан тенденция доирасида шаклланди. Хусусан, март 
ойида пандемия сабабли каратин чекловларининг жорий қилиниши натижасида асосий 
озиқ-овқат маҳсулотларига бўлган ялпи талаб ошиши ва улар нархининг 
қимматлашиши туфайли, аҳоли инфляцион кутилмаларида сезиларли ўсиш 
кузатилган бўлса, каратин чекловлари сабабли ишлаб чиқариш ҳажми камайиши эса 
тадбиркорлик субъектлари инфляцион кутилмаларининг ошишига олиб келди.