Ўзбекистон республикаси мактабгача таълим вазирлиги мактабгача таълим ташкилотлари

Керакли жиҳоз ва материаллар: болалар тикув машинаси, материаллар, сантиметр, кийимлар каталоги, моделлар (намуналар) расмлари, иплар, тугмалар, қайчилар, тасмалар, безаклар, аксессуарлар (айрим қисмлар).
Фаолиятнинг бориши
1. Мавзуга оид расмлар ва материалларни кўриб чиқиш.
2. Ўйинни режалаштириш.
3. Ўз танлови бўйича кийим андозасини олиш.
4. Тайёрланган иш тақдимоти.
Қўшимча: тарбиячи модалар кўргазмаси намойишини ташкил этишни таклиф этиши мумкин.
Эътиборга молик жиҳати:
1.Болаларнинг материаллардан мақсадли фойдаланишлари.
2.Эстетик ва этик кўникмаларни шакллантириш.
2.2. “Илк қадам”давлат ўқув дастури асосида гуруҳларда ривожланиш марказларни жиҳозлаш
Мактабгача таълим ташкилотларида Давлат ўқув дастурини амалга оширишни ресурс билан таъминлаш Ўзбекистон Республикасининг белгиланган меъёрий ҳужжатларига мувофиқ амалга оширилади. Минимал ресурслар билан таъминланганлик кун тартиби ва йиллик режада кўзда тутилган ўйин, севимли машғулот дарслари ва лойиҳанинг тематик тадбирларини амалга оширишни таъминлаши керак. Шу билан бирга, иловада келтирилган ресурслар билан бир қаторда ушбу марказлар ва маконларни болалар, ота-оналар ва тарбиячиларнинг биргаликдаги фаолияти маҳсулотлари билан жиҳозлаш тавсия этилади; шунингдек, мактабгача таълим ташкилотлари педагоглари зарур ўқув ва ривожлантирувчи дидактик материалларни яратишда маҳаллий ҳокимлик ресурслари ва ўзларининг ижодий кўникмаларига таянишлари мумкин.
Ушбу жадвалда болаларнинг ёши бўйича тақсимланмаган, МТТ гуруҳларидаги ривожланиш марказлари ва ташкил этилган макон учун ускуналар ва материалларнинг намунавий рўйхати келтирилган. Шуни эсда тутиш керакки, ушбу рўйхат тахминийдир ва уни тўлиқ тўлдириш шарт эмас. Ушбу жадвал максимал рўйхатни кўрсатади ва МТТда жой ва маблағ етишмаслиги туфайли уни ҳар доим ҳам амалга ошириш мумкин эмас. Бошқа томондан, ҳар бир минтақа ва МТТ минтақавий компонентнинг ўзига хос хусусиятларига эга, ривожланиш марказларини жиҳозлашда айнан шуларни эътиборга олиш тавсия этилади.
Ушбу жадвалда келтирилган маълумотлар МТТ жиҳозлашда унинг реал имкониятларидан келиб чиққан ҳолда МТТ тарбиячиларининг аниқ тушунишларига, шунингдек, уларни таълим жараёнида болалар билан биргаликдаги фаолият билан тўлдиришга хизмат қилади. Шу билан бирга, барча материаллар болаларнинг ёш имкониятларига мос келиши кераклигини эсга олиш керак.