Ўзбекистон Республикаси Конституциясига ўзгартиришлар киритиш учун таклиф

Ўзбекистон Республикаси Конституциясига ўзгартиришлар киритиш учун таклиф
Биринчи бўлим(Асосий принциплар)га фуқаролик жамияти тамойиллари сингдирилиши зарур.

1 - бўлим 4-модда.
Ўзбекистон Республикасининг давлат тили ўзбек тилидир.
Ўзбекистон Республикаси ўз ҳудудида истиқомат қилувчи барча миллат ва элатларнинг тиллари, урф-одатлари ва анъаналари ҳурмат қилинишини таъминлайди, уларнинг ривожланиши учун шароит яратади.

Мазкур моддада ўзбек тилига берилган имкониятлар ва давлат тили сифатидаги устунликлари акс этиши керак.

Ўзбекистон Республикаси Конституциясига ўзгартиришлар киритиш учун таклиф

61-модда.
Диний ташкилотлар ва бирлашмалар давлатдан ажратилган ҳамда қонун олдида тенгдирлар. Давлат диний бирлашмаларнинг фаолиятига аралашмайди.
Давлатнинг диний бирлашмаларнинг фаолиятига аралашмаслиги томойили кенгроқ баён қилиниши, унинг аниқ параметрлари кўрсатилиши керак.


Ўзбекистон Республикаси Конституциясига ўзгартиришлар киритиш учун таклиф

21-модда.
Ўзбекистон Республикасининг бутун ҳудудида ягона фуқаролик ўрнатилади.
Ўзбекистон Республикасининг фуқаролиги, унга қандай асосларда эга бўлганликдан қатъи назар, ҳамма учун тенгдир.
Қорақалпоғистон Республикасининг фуқароси айни вақтда Ўзбекистон Республикасининг фуқароси ҳисобланади.
Фуқароликка эга бўлиш ва уни йўқотиш асослари ҳамда тартиби қонун билан белгиланади.
Мазкур модданинг 1-бандига ўзгартиришг киритилиши ватандошларга 2 давлат фуқаролигини олишга имкон берилиши керак. Чунки бу чет элларда узоқ муддат ишлаётган ёки илмий фаолият билан шуғулланаётган фуқаролар ва уларнинг фарзандлари бошқа давлатнинг ҳуқуқ ва эркинликларидан тўлақонли фойдаланишлари учун зарур. Ва бу ўз ўрнида 22-модданинг бажарилишида ҳам қулайлик туғдиради.

Ўзбекистон Республикаси Конституциясига ўзгартиришлар киритиш учун таклиф

50-моддага:
Фуқаролар атроф табиий муҳитга эҳтиёткорона муносабатда бўлишга мажбурдирлар.
Бу модданинг таъсир кучини ошириш учун уни қуйидагича ўзгартириш таклиф этилади:

50-моддага:
Фуқаролар атроф табиий муҳитга эҳтиёткорона муносабатда бўлишга мажбурдирлар.
Атроф табиий муҳитга зарар етказган шахслар қонунларда белгиланган тартибда жавобгарликка тортиладилар.