Ўзбекистон Республикаси Жиноят-процессуал кодексининг 322-моддасида жиноят ишини қўзғатиш сабаблари ва асослари белгиланган

Айблов хулосасининг мазмунини ва айблов хулосасига иловаларни баён қилинг.
Ўзбекистон Республикаси жиноят-процессуал қонунчилигига кўра, терговчи ишни судга юбориш учун етарли асослар борлиги тўғрисидаги фикри бўлса айблов хулосасини тузиши белгиланган.
Айблов хулосасининг мазмунини ва айблов хулосасига иловаларни баён қилинг.
379-модда. Айблов хулосаси

Айбланувчи ва унинг ҳимоячисини жиноят ишидаги барча материаллар билан таништириб бўлгач, терговчи, башарти ишни судга юбориш учун етарли асослар борлиги тўғриси¬даги фикри ўзгармаган бўлса, айблов хулосаси тузади.

Айблов хулосаси тавсиф-асослантириш ва хулоса қисмларидан иборат бўлади. Тавсиф қисмида дастлабки терговда аниқланган ҳолатлар: жабрланувчи, шунингдек, айбланувчи тўғрисидаги маълумотлар; айбланувчининг айбдорлигини тасдиқловчи далиллар, айбланувчининг ўзини ҳимоя қилиш учун келтирган важлари ва уларни текшириш натижалари баён қилинади.
Хулоса қисмида айбланувчининг шахси тўғрисидаги маъ¬лумотлар келтирилади ҳамда эълон қилинган айбловнинг мазмуни Жиноят кодексининг шу жиноятни назарда тутган моддаси ёки моддаларини ҳам кўрсатган ҳолда баён қилинади.
Айблов хулосасида баён қилинган ҳолатларни тасдиқлов¬чи иш саҳифалари кўрсатилиши керак. Айблов хулосаси қаерда ва қачон тузилганлиги кўрсатилиб, терговчи томо¬нидан имзоланади.
1. Айблов хулосаси жиноят очилгани ва уни содир этган шахс фош этилгани ҳақида ишни судга юбориш зарурлиги тўғрисида якуний ҳужжатдир. Унинг кириш қисмида кимларни қандай жиноятларда айбланиши кўрсатилиб, асослантириш қисмида ана шу жиноятнинг ва уни содир этган шахснинг тўла тавсифи баён этилади, дастлабки терговда аниқланган барча ҳолатлар ва уларни тасдиқлайдиган муайян далиллар кўрсати¬лади, айбланувчи ва жабрланувчи тўғрисида асосий маълумот¬лар келтирилади, айбланувчининг тушунтиришлари, унинг важларини текшириш натижалари акс эттирилади. Айблов ху¬лосасининг якуний қисмида айбловнинг мазмуни ва айбланув¬чининг шахси муайян ва қатъий тарзда баён этилиб, Жиноят кодексининг моддаси, қисми, банди кўрсатилади.

380-модда. Айблов хулосасига иловалар

Айблов хулосасига терговчининг фикрича суд мажлисига чақирилиши лозим бўлган шахсларнинг рўйхати, шунингдек, қўлланилган эҳтиёт чоралари, гумон қилинувчи ва айбла¬нувчи қанча вақт қамоқда сақланганлиги тўғрисидаги, ашёвий далиллар, фуқаровий даъвони таъминлаш чоралари, суд чиқимлари тўғрисидаги маълумотлар илова қилинади.

Суд мажлисига чақирилиши лозим бўлган шахсларнинг рўйхатида терговчи уларнинг турган жойи ҳамда кўрсатув¬лари ёки хулосалари ишнинг қайси саҳифасида баён қилин¬ганлигини кўрсатади.
Жабрланувчилар, гувоҳлар, холислар ва процесснинг бошқа иштирокчилари хавфсизлигини таъминлаш мақсадида, суд мажлисига чақирилиши лозим бўлган шахслар рўйхатида уларнинг тахаллуслари кўрсатилиши мумкин. Хавфсизлиги таъминланишига муҳтож бўлган шахслар ҳақидаги маълу¬мотлар улар иштирокида ўтказилган тергов ҳаракатлари баённомаларининг кириш қисмлари билан бирга муҳрланган ҳолда судга тақдим этилади. Улар билан фақат айблов хулосасини тасдиқловчи прокурор ва ишни кўриб чиқувчи судья танишишлари мумкин.

1. Ушбу моддада айблов хулосасига илова қилинадиган асосий маълумотлар санаб ўтилган. Муайян жиноят ишлари бўйича яна қўшимча маълумотлар ҳам айблов хулосасига илова қилиниши мумкин. Жумладан, айбланувчиларнинг баъзилари қидирувда эканлиги, бетоблиги сабабли тиббий муассасада даъволанаётганлиги, гаров ким томонидан берилгани ва қаерда сақланаётгани, жабрланувчи ва айрим гувоҳлар хизмат сафа-рида бўлиб, Ўзбекистон Республикаси ҳудудидан ташқарида экани каби маълумотлар суд мажлисини осон ўтказишга имкон беради.

2. Иш бўйича жабрланувчи, гувоҳ, холис ва бошқа иштирок¬чиларнинг хавфсизлигини таъминлаш чоралари сифатида баъзи маълумотлар айбланувчидан сир сақланиши, бу ҳақда ҳуж¬жатлар муҳрланиб ишга тикилиши ёхуд терговчи, суриштирув¬чи ихтиёрида қолдирилиши мумкин.
3. Агар жиноят ишига оид ҳужжатларнинг бир қисми бошқа иш юритувида фойдаланилаётган бўлса, айблов хулосасининг иловасида бу ҳақда кўрсатилиши лозим.
4. Жиноят иши бўйича айбланувчилар ягона бир тилни билсалар, айблов хулосаси ўша тилда ёзилади. Айблов хулосаси ёзилган тилни етарлича билмайдиган айбланувчи учун айблов хулосаси тушунадиган тилга таржима қилиниб тақдим этилиши лозим.


22. Ўзбекистон Республикаси ЖПКнинг 384-моддасида прокурор ёки ўринбосари терговчидан айблов хулосаси билан келган жиноят иши юзасидан ўрганиб чиқилиши лозим бўлган 12 ҳолат белгиланган.