Ўзбекистон республикаси қишлоқ ва сув хўжалиги вазирлиги тошкент давлат аграр университети шералиев Абдусаид Шералиевич

Pseudomonas syringae pv. maculicola (Mc-Culloch 1911) Young et al.,1978-Карамнинг бактериал доғланиши.

Pseudomonas syringae pv. cannabina (Sutic end Dowson 1959) Young et al.,1978-Нашанинг бактериози.

Pseudomonas syringae pv. ciccaronei (Ercoland end Caldarola 1972) Young et al.,1978-Жавдарнинг бактериози.

Pseudomonas syringae pv. coronafaciens (Elliott 1920) Young et al.,1978-Сулининг қўнғир (қизил) бактериози.

Pseudomonas syringae pv. delphinii (Smith 1904) Young et al.,1978-Ғозпанжанинг қора бактериал доғланиши

Pseudomonas syringae pv. dysoxyli (Hutchinson 1949) Young et al.,1978-Гулхайридошлар оиласи вакилларининг бактериози.

Pseudomonas syringae pv. mellea (Johnson 1923) Young et al.,1978-Тамакининг бактериал доғланиши.

Pseudomonas syringae pv. more (Boyer and Lambert 1893) Young et al.,1978-Тутнинг бактериози.

Картошканинг сақлаш давридаги ҳўл чириши
Картошка туганакларини сақлаш даврида бактериянинг таъсирида механик зарарланган, фитофтора билан касалланган, совуқ урган тўқималарнинг ҳўл чиришига сабаб бўлади. Чириган жойда ўткир, қўланса хидли бўтқа ҳосил бўлиб, кейинчалик чириш соғлом жойларга тарқалади.
Касаллик қўзғатувчиси Ps. xanthochlora (Schuster) Stapp., бактерияси тупроқларда кенг тарқалиб, туганакларнинг зарарланган жойларини тупроқ заррачалари билан тушганда чиритади.
Касалликка қарши кураш чоралари:
1. Ҳосилни ўз вақтида, туганакларни зарарламасдан йиғиштириб олиш;
2. Туганакларни совуқ уришдан сақлаш;
3. Совуқ урган ва зарарланган туганакларни яхшилаб саралаб, олиб ташлаш;
4. Туганакларни сақлаш режимига амал қилиш;
5. Ҳосилни йиғишдан бир ой олдин ўсимликларни фосфорли, калийли, бор, мис таркибли ўғитлар билан озиқлантириш.

Буғдойнинг базал бактериози
Касаллик белгилари. Буғдой бошоғининг қипиғи асосида ёки уларнинг ён томонларида қўнғир ёки қора доғлар ҳосил бўлади. Баъзан қипиғнинг ҳаммаси қораяди. Буғдой донларнинг ҳаммаси ёки муртак қисмлари қораяди. Бундан ташқари касаллик баргларида доғлар тарзида кўриниб, улар сувсимон бўлиб, кейинчалик қораяди, поянинг асоси чирийди ва ўсимликнинг бўйи пакана (карлик) бўлиб қолади, кучли зарарланганда баргларнинг қуриши ва қуруқ чиришига, бошоқнинг деформацияланишига сабаб бўлади.